ប្រទេសលីប៊ី ៖ ជម្លោះនៅលីប៊ីក្លាយជាជម្លោះអន្តរជាតិ ដោយនាថ្ងៃទី២៩មិថុនាសេនាប្រមុខKHALIFA HAFTA បុរសខ្លាំងនាភាគខាងកើតលីប៊ី បានចេញបញ្ជាដល់កងកម្លាំងរបស់ខ្លួន ឲ្យវាយប្រហារបណ្ដានាវានិងផលប្រយោជន៍របស់តួកគី ព្រមទាំងហាមឃាត់បណ្ដាការហោះហើររបស់យន្តហោះតួកគីចេញនិងចូលលីប៊ី។ ឧត្ដមសេនីយមួយរូបរបស់កងកម្លាំងសេនាប្រមុខរូបនោះអះអាងថា…
ប្រទេសលីប៊ី ៖ ជម្លោះនៅលីប៊ីក្លាយជាជម្លោះអន្តរជាតិ ដោយនាថ្ងៃទី២៩មិថុនាសេនាប្រមុខKHALIFA HAFTA បុរសខ្លាំងនាភាគខាងកើតលីប៊ី បានចេញបញ្ជាដល់កងកម្លាំងរបស់ខ្លួន ឲ្យវាយប្រហារបណ្ដានាវានិងផលប្រយោជន៍របស់តួកគី ព្រមទាំងហាមឃាត់បណ្ដាការហោះហើររបស់យន្តហោះតួកគីចេញនិងចូលលីប៊ី។
ឧត្ដមសេនីយមួយរូបរបស់កងកម្លាំងសេនាប្រមុខរូបនោះអះអាងថា បទបញ្ជាត្រូវបានចេញដល់កងកម្លាំងរបស់យើង ឲ្យផ្ដោតគោលដៅវាយប្រហារ បណ្ដានាវាតួកគីក្នុងដែនទឹកលីប៊ី។ ចំណែកបណ្ដាទីតាំងយុទ្ធសាស្ត្រតួកគី បណ្ដាក្រុមហ៊ុននិងគម្រោងនានាជារបស់តួកគីនៅលីប៊ី ត្រូវចាត់ទុកជាគោលដៅវាយប្រហារ។ ជនជាតិតួកគីទាំងអស់រស់នៅក្នុងដែនដីលីប៊ីនឹងត្រូវចាប់ខ្លួន ហើយរាល់ការហោះហើររបស់បណ្ដាយន្តហោះ ចេញនិងចូលមកពីតួកគីនឹងត្រូវហាមឃាត់។
សេនាប្រមុខHAFTAបានបើកធ្វើចាប់តាំងពីជិត៣ខែមកហើយ ការវាយលុកដើម្បីដណ្ដើមយករដ្ឋធានីទ្រីប៉ូលី។ លោកចោទប្រកាន់តួកគីថាជួយទ្រទ្រង់ដល់គូប្រជែងរបស់ខ្លួន គឹរដ្ឋាភិបាលរួបរួមជាតិដែលទទួលស្គាល់ដោយសហគមន៍អន្តរជាតិ មានមូលដ្ឋាននៅក្រុងទ្រីប៉ូលី។
កងទ័ពរបស់លោកចោទតួកគីថា ធ្វើ្វើអន្តរាគមន៍ ក្នុងទីលានប្រយុទ្ធដោយផ្ទាល់ ជាមួយការប្រើប្រាស់កងទាហាន យន្តហោះនិងនាវា។ ការផ្គត់ផ្គង់អាវុធនិងគ្រាប់រំសេវបញ្ជូនមកឲ្យកងទ័ពរដ្ឋាភិបាលរួបរួមជាតិដោយផ្ទាល់តាមសមុទ្រមេឌីទែរ៉ាណេ៕ (កែសម្រួលដោយ ៖ បុប្ផា)
ចែករំលែកព័តមាននេះ