ចិន៖ កំពូលតារាសម្ដែងចិន ហ្វាន ពិងពិង (Fan Bingbing) ត្រូវបានគេមើលឃើញថាត្រឡប់ក្រោយ បន្ទាប់ពីនាងត្រូវបានចូលរួមក្នុងរឿងអាស្រូវគេចពន្ធកាលពីឆ្នាំមុន។ នាងលេចមុខជាសាធារណៈជាលើកដំបូងក្នុងខែមេសា ក្នុងពេលជិតមួយឆ្នាំមកនេះ។ ទោះបីជាយ៉ាងណា កាលពីថ្ងៃព្រហស្បតិ៍ (២៧ មិថុនា) ហ្វាន បានរងគ្រោះនឹងភាពបរាជ័យមួយទៀតក្នុងជីវិតផ្ទាល់ខ្លួនរបស់នាង។
តារាសម្ដែងវ័យ៣៧ឆ្នាំ រូបនេះបានប្រកាសពីការផ្ដាច់ពាក្យពីគូដណ្ដឹងរបស់នាង គឺតារាសម្ដែងលោក លី ឈិន (Li Chen) នៅក្នុងបណ្ដាញសង្គម Weibo កាលពីល្ងាចថ្ងៃព្រហស្បតិ៍។
«មានបទពិសោធបែកបាក់ជាច្រើននៅក្នុងជីវិត។ ស្នេហា និងភាពកក់ក្ដៅដែលខ្ញុំទទួលបាននៅក្នុងទំនាក់ទំនងរបស់ពួកយើង នឹងតែងតែផ្ដល់ឱ្យខ្ញុំនូវភាពរឹងមាំ អរគុណសម្រាប់ការគាំទ្រ ស្រឡាញ់អ្វីៗទាំងអស់ដែលអ្នកបានឱ្យមកខ្ញុំ»។ «អរគុណសម្រាប់ការយកចិត្តទុកដាក់ និងក្តីស្រឡាញ់ដែលនឹងមកនាពេលអនាគត។ យើងប្រហែលជាមិនមែនជាយើងទៀតទេ ប៉ុន្តែយើងនៅតែជាយើង»។
មិនយូរប៉ុន្មាន លោកលី វ័យ 40 ឆ្នាំ ក៏បានបង្ហោះពីការប្រកាសផ្ទាល់ខ្លួនរបស់គាត់នៅលើបណ្ដាញសង្កមចិន micro-blog ថា៖ «ពីមិត្តភក្ដិទៅជាគូស្នេហ៍ ហើយក៏ត្រឡប់មកជាមិត្តភក្ដិវិញ របៀបដែលពួកយើងបង្ហាញពីក្ដីស្រឡាញ់ អាចផ្លាស់ប្តូរ ប៉ុន្តែអារម្មណ៍ស្នេហារវាងយើង នឹងមិនផ្លាស់ប្ដូរទេ ហើយការជឿទុកចិត្តគ្នាទៅវិញទៅមក និងការគាំទ្ររបស់យើង គឺគ្មានទីបញ្ចប់ឡើយ» ។លោកបានផុសបង្ហាញត្រឡប់វិញដោយឃ្លាមួយថា៖ «យើងប្រហែលជាមិនមែនជាយើងទៀតទេ ប៉ុន្តែយើងនៅតែជាពួកយើង»៕ កែសម្រួលដោយ ៖សុឃាក់
ចែករំលែកព័តមាននេះ