រាជធានីភ្នំពេញ ៖ ក្រោមស្មារតីគាំទ្រ និងជួយដល់ផលិតផលខ្មែរឱ្យមានសន្ទុះកាន់តែខ្លាំងក្លា ខេមបូម៉ាត មានលក់ផលិតផលរាប់រយមុខដែល ៩៥ភាគរយ គឺជាផលិតផលខ្មែរសុទ្ធ ។ តាមរយៈម្ចាស់ហាង…
រាជធានីភ្នំពេញ ៖ ក្រោមស្មារតីគាំទ្រ និងជួយដល់ផលិតផលខ្មែរឱ្យមានសន្ទុះកាន់តែខ្លាំងក្លា ខេមបូម៉ាត មានលក់ផលិតផលរាប់រយមុខដែល ៩៥ភាគរយ គឺជាផលិតផលខ្មែរសុទ្ធ ។
តាមរយៈម្ចាស់ហាង ខេមបូម៉ាត អ្នកស្រី គឹម ស្រីរ័ត្ន បានឱ្យដឹងថា ៖ «ខ្ញុំទទួលយក និងលក់តែផលិតផលខ្មែរទេ ក្រៅពីនឹងផលិតផលបរទេសមានតិចតួច ដែលមានមកពីម៉ាឡេស៊ី ឥណ្ឌូនេស៊ី និងកូរ៉េ ។ល។ ខ្ញុំគិតថា ការលក់តែផលិតផលខ្មែរ គឺដើម្បីលើកកម្ពស់ការផលិតរបស់ប្រជាជនខ្មែរ នៅពេលដែលយើងមានលក់ផលិតផលខ្មែរសម្បូរបែប នោះប្រជាជនយើងមិនពិបាកដើររកទិញផលិតផលខ្មែរនោះទេ ហើយពេលនោះផលិតផលខ្មែរនឹងមានទីផ្សារទូលំទូលាយ ។ ការគាំទ្រផលិតផលខ្មែរ ដូចគាំទ្រសិប្បកម្មខ្មែរ ក្រុមហ៊ុនខ្មែរ រោងចក្រខ្មែរ ដែលជាចលករជំរុញសេដ្ឋកិច្ចក្នុងប្រទេសកម្ពុជា» ។
សូមបញ្ជាក់ផងដែរថា ហាង ខេមបូម៉ាត របស់អ្នកស្រី ស្រីរ័ត្ន មានលក់ផលិតផលថែរក្សាសម្រស់ សម្ភារផ្ទះបាយ គ្រឿងទេស របស់របរប្រើប្រាស់សម្រាប់បុរសស្ត្រីគ្រប់ប្រភេទ និងភេសជ្ជៈគ្រប់មុខគ្រប់ម៉ាក ព្រមទាំងអាហារសម្រន់ផ្សេងៗ ដែលជាផលិតផលរបស់ខ្មែរសុទ្ធ ។
អ្នកស្រី គឹម ស្រីរ័ត្ន បន្ថែមថា ៖ «អ្វីដែលសំខាន់នោះ គឺផលិតផលខ្មែរម៉ាក កេរយាយ ដែលផលិតឡើងពីធម្មជាតិសុទ្ធ ១០០ភាគរយ និងមានគុណភាពខ្ពស់ ប្រើបានគ្រប់វ័យទាំងបុរស និងស្ត្រី កំពុងមានសន្ទុះគាំទ្រខ្លាំង ក៏មានលក់នៅក្នុងហាង ខេមបូម៉ាត ដែរ» ។
គួរបញ្ជាក់ផងដែរថា ផលិតផលខ្មែរម៉ាក កេរយាយ មានច្រើនប្រភេទ រួមាន ៖ ឡេលាបក្លៀក, ស្ព្រៃយ៍ក្លៀក, ម្សៅលាបក្លៀក, ប្រេងបណ្តុះសក់ស្លឹកកន្ទ្រោប, ប្រេងអប់សក់ក្រូចសើច, ស្ក្រាប់លាងស៊យ, ឡេប្រេងដូងការពារកំដៅថ្ងៃធម្មជាតិ ១០០% (ជាផលិតផលតែ ១គត់នៅស្រុកខ្មែរ ដែលកូនខ្មែរធ្វើបាន) ។ បន្ថែមពីនេះផលិតផល កេរយាយ ក៏សូមជម្រាបជូនដល់អតិថិជនផងដែរថា ស្ព្រៃយ៍ក្លៀកកេរយាយ នឹងផលិតទៅជាប្រភេទឡុញក្លៀក (Roll On) វិញ ។ កេរយាយ ក៏នឹងមានប្រេងកូឡា ប្រេងរឹត និងសាប៊ូកក់សក់ផងដែរ ។
បងប្អូនកូនក្មួយអាចរកជាវផលិតផលខ្មែរសុទ្ធ ១០០ភាគរយ នៅហាង ខេមបូម៉ាត បានដែលមានទីតាំងស្ថិតនៅផ្លូវ ១៧៣ កែងផ្លូវ ៣៣៨ សង្កាត់ទួលស្វាយព្រៃ ១ ខ័ណ្ឌបឹងកេងកង ១ ហើយបើកលក់ចាប់ពីម៉ោង ៦ព្រឹក ដល់ម៉ោង ១០យប់ ៕ អត្ថបទសហការ
ចែករំលែកព័តមាននេះ