អតីតអ្នកដឹកនាំរឿងជើងចាស់មួយរូប ឈឺធ្ងន់ កំពុងសង្គ្រោះបន្ទាន់ និងជួបការខ្វះខាតយ៉ាងខ្លាំង
- ភ្នំពេញ
រាជធានីភ្នំពេញ ៖ អតីតអ្នកដឹកនាំរឿងដ៏មានកេរ្តិ៍ឈ្មោះមួយរូបលោក សាក់ ស៊ីថន កំពុងពើបប្រទះនូវជំងឺប្រចាំកាយ រួមផ្សំនឹងភាពចាស់ជរា ផងនោះ កំពុងស្ថិតក្នុងការសង្គ្រោះបន្ទាន់នៅមន្ទីរពេទ្យ ស្របពេលដែលក្រុមគ្រួសារកំពុងជួបការខ្វះខាតយ៉ាងខ្លាំង ។
ស្ថិតក្នុងស្ថានភាពនេះ ដោយសារទីទាល់ខ្លាំង ក្រុមគ្រួសាររបស់លោកបានដង្ហោយរកជំនួយពីសប្បុរសជននានា ជាពិសេសបណ្តាអ្នកសិល្បះដែលស្គាល់លោក ដើម្បីមានលទ្ធភាពទិញថ្នាំលេបសម្រាប់ព្យាបាលជំងឺ ។
បើយោងការបង្ហោះលើបណ្តាញសង្គមពីតារាសម្តែងលោក សាវីន ហ្វីលីព បានអោយដឹងថា លោក សាក់ ស៊ីថន ជាអ្នកដឹកនាំរឿងជេីងចាស់វ័យជរាម្នាក់ អាយុ៧២ឆ្នាំ ពេលនេះកំពុងសង្គ្រោះបន្ទាន់នៅពេទ្យលោកសង្ឃតាំងពីម្សិលមិញពេលថ្ងៃ។
លោកបន្តថា គាត់ធ្លាប់បានកសាងស្នាដៃរឿងប្រវត្តិសាស្ត្រជាច្រើនដូចជារឿង តេជោដំឌិន ភូមិតិរិច្ឆាន ផ្កាស្រពោន ជ្រោះស្នេហ៍ពេជនិល ។ល។
លោកបញ្ជាក់ថា គាត់មានជីវភាពខ្សត់ខ្សោយណាស់ មិនមានលុយទិញថ្នាំលេបជាប្រចាំ($65ក្នុងមួយសប្ដាហ៍)និងគ្មានលុយបង់ថ្លៃកាតដើម្បីបានចូលជាសមាជិករបស់សមាគមសិល្បករខ្មែរនឹងគេទៀតផង នេះបើតាមការលើកទ្បើងអោយដឹងពីអ្នកស្រី សាក់ សក្ការៈបុប្ផា អតីតតារាសម្ដែងម្នាក់មកខ្ញុំផ្ទាល់មុននេះ ហើយគាត់ត្រូវជាកូនស្រីបង្កើតរបស់លោក សាក់ សាថន ។
លោកបន្ថែមថា នេះជាការផុសលើកទីពីររបស់ខ្ញុំក្នុងនាមជាសិល្បករភាពយន្តឯករាជ្យម្នាក់ ខ្ញុំសូមអំពាវនាវជាថ្មីម្ដងទៀតដល់បងប្អូនដែលជាអ្នកសិល្បៈដូចគ្នាទាំងអស់ និងសប្បុរសជននានា សូមមេត្តាបឈ្ឈប់នូវការរើសអើងដល់រូបគាត់និងអាណិតមេត្តាជួយទៅសួរសុខទុក្ខគាត់ផង យ៉ាងហោចណាស់គាត់ក៍ធ្លាប់ជាអតីតអ្នកដឹកនាំរឿងល្បីឈ្មោះម្នាក់ដែរក្នុងសង្គមសិល្បៈរបស់យើង។ តេលេក្រាមកូនស្រីគាត់ +855 87 858 562 , QR code ខាងលេីជារបស់កូនស្រីគាត់ផ្ទាល់ ៕
ចែករំលែកព័តមាននេះ