បែកធ្លាយ​រូបភាព​ព្រះ​ចៅអធិការ​វត្ត​ពោធិ៍​ចិន​​តុង នៅ​លើ​គ្រែ​ជាមួយ​ស្រី​ស្នេហ៍


រាជធានី​ភ្នំពេញ ៖ មន្ត្រី​សង្ឃ​នៃ​សាលា​អនុគណ​ខណ្ឌ​ពោធិ៍​សែន​ជ័យ រួម​ជាមួយ​មន្ត្រី​នៃ​មន្ទីរ​ធម្មការ និង​សាសនា​រាជធានី​ភ្នំពេញ និង​មន្ត្រី​ការិយាល័យ​ធម្មការ​និង​សាសនា​ខណ្ឌ​មួយ​នេះ​បាន​កោះ​ប្រជុំ​ជា​បន្ទាន់​មួយ​ស្វែងរក​ការ​ពិត និង​ដំណោះស្រាយ បន្ទាប់​ពី​រូបភាព​លើ​គ្រែ​ជា​ច្រើន​សន្លឹក​របស់​ភិក្ខុ​នាម វ៉ា​ន់ វ​ន្នី ជា​ព្រះ​អធិការ​វត្ត​ពោធិ៍​ចិន​តុង ត្រូវ​បែកធ្លាយ និង​ត្រូវ​គេ​បង្ហោះ​យ៉ាង​កក្រើក​នៅ​លើ​បណ្ដាញ​សង្គម​ហ្វេ​ស​ប៊ុ​ក ។ កិច្ចប្រជុំ​នេះ​ប្រព្រឹត្ត​ទៅ​កាលពី​ម៉ោង​៨​ព្រឹក​ថ្ងៃ​ទី​២៤ ខែមិថុនា ឆ្នាំ​២០១៩ នៅ​ក្នុង​សាលា​អនុ​គុណ​ខណ្ឌ​ពោធិ៍​សែន​ជ័យ ស្ថិត​ក្នុង​វត្ត​ជម្ពូ​វ័ន សង្កាត់​ចោម​ចៅ ខណ្ឌ​ពោធិ៍​សែន​ជ័យ ។

តាម​ប្រ​ភ​ព័ត៌មាន​ឲ្យ​ដឹង​ថា ព្រះ​ភិក្ខុសង្ឃ​នាម វ៉ា​ន់ វ​ន្នី គឺជា​ចៅអធិការ​វត្ត​ពោធិ៍​ស​ត្ថា​រាម ហៅ​វត្ត​ពោធិ៍​ចិន​តុ ស្ថិត​ក្នុងភូមិ​ប៉ប្រក​ខាងជើង សង្កាត់​កា​កាប​ទី​១ ខណ្ឌ​ពោធិ៍​សែន​ជ័យ កំពុង​បង្ក​ឲ្យ​ពុទ្ធបរិស័ទ​ចំណុះ​ជើង​វត្ត​មានការ​ខឹងសម្បារ​យ៉ាង​ខ្លាំង បន្ទាប់​ពី​ឃើញ​រូបភាព​ជា​ច្រើន​សន្លឹក​របស់​សង្ឃ​អង្គ​នោះ​កំពុង​កៀកកើយ​ជាមួយ​ស្ត្រី​ម្នាក់​នៅ​លើ​គ្រែ​យ៉ាង​ស្អិតរ​មួ​ត​ដូច​ជា​ប្ដី​ប្រពន្ធ និង​ត្រូវ​គេ​បង្ហោះ​យ៉ាង​កក្រើក​តាម​បណ្ដាញ​សង្គម​​ហ្វេ​ស​ប៊ុ​ក​។ ជា​ហេតុ​ធ្វើ​ឲ្យ​អ្នក​ស្គាល់​ចៅអធិការ​អង្គ​នេះ ហួសចិត្ត​រក​និយាយ​មិន​ចេញ បន្ទាប់​ពី​បុគ្គល​​ស្រែបុណ្យ​ដែល​ពួក​គាត់​តែ​ជឿ​ង​ជាក់ និង​គោរព​សក្ការៈ​បំផុត បែរជា​ប្រព្រឹត្ត​ល្មើស​ជាន់ពន្លិច​ព្រះពុទ្ធ​សាសនា​បែប​នេះ​។

ប្រភព​ដដែល​បន្ត​ទៀត​ថា ពុំ​មាន​នរណា​បានដឹង​ថា ចៅអធិការ​វត្ត​អង្គ​នេះ​មាន​ទំនាក់ទំនង​ស្នេហា​ជាមួយ​ស្រី​ស្នេហ៍​តាំងពី​ពេល​ណា​នោះ​ទេ ប៉ុន្តែ​តាម​រូបភាព​បែកធ្លាយ​លើ​បណ្ដាញ​សង្គម​ហ្វេ​ស​ប៊ុ​ក​នោះ​បណ្ដាល​ឲ្យ​មានការ​ភ្ញាក់ផ្អើល​រយៈពេល​២​ថ្ងៃ​កន្លង​មក​ហើយ គឺ​នៅ​ថ្ងៃ​ទី​២៣ និង​ទី​២៤ មិថុនា ។

ដោយឡែក​ប្រភព​មួយទៀត​លួច​បង្ហើប​ថា ក្រោយ​ពី​ទទួល​ដំណឹង​ដ៏​ភ្ញាក់ផ្អើល​នេះ មន្ត្រី​សង្ឃ​នៃ​សាលា​អនុគណ​ខណ្ឌ​ពោធិ៍​សែន​ជ័យ រួម​ជាមួយ​មន្ត្រី​ដទៃ​ទៀត​បាន​បើក​ការ​ប្រជុំ​បន្ទាន់​មួយ ដើម្បី​ស្វែងរក​ការ​ពិត។ ដោយ​បាន​និមន្ត​ព្រះ​ចៅអធិការ​វត្ត​ខាងលើ​ចូលរួម​ធ្វើការ​បកស្រាយ​ព្រមទាំង​អញ្ជើញ​គណៈកម្មការ​អាចារ្យ​វត្ត​ចូលរួម​ផង​ដែរ ខណៈនោះ​គណៈកម្មការ​ចម្រុះ​ធ្វើការ​សួរ​ដេញដោល​ជា​ច្រើន​ទៅ​កាន់​ភិក្ខុ វ៉ា​ន វ​ន្នី នោះ​ពី​បញ្ហា​រឿងអាស្រូវ​ទាំងឡាយ​ពាក់ព័ន្ធ​និង​ការ​បែកធ្លាយ​រូបភាព​លើ​គ្រែ​ជាមួយ​ស្រី​ស្នេហ៍​។

ប្រភព​មួយ​នេះ​បន្ត​ទៀត​ថា ខណៈនោះ​ត្រូវ​សង្ឃ​អង្គ​នោះ​ធ្វើការ​បដិសេធន៍​យ៉ាង​ដាច់អហង្ការ​ថា ព្រះ​អង្គ​មិន​បាន​ប្រព្រឹត្ត​បែប​នេះ​ឡើយ គឺ​ព្រះ​អង្គ​គ្មាន​ទំនាក់ទំនង​ស្នេហា​អ្វី​ទាំងអស់​។ ចំណែក​រូបភាព​នោះ​ព្រះ​អង្គ​ក៏​មិន​បានដឹង​ដែរ ព្រោះ​មិនមែន​ជា​រូប​ពិត​ឡើយ គឺជា​រូបភាព​កាត់ត ដែល​ជនខិលខូច​កាត់ត​ក្នុង​ចេតនា​បង្ខូច​ព្រះ​កិត្តិយស​របស់​ព្រះ​អង្គ​ប៉ុណ្ណោះ​។ បន្ទាប់​មក​គណៈកម្មការ​ខ​ល​សួរ​ទៅ​ស្ត្រី​ក្នុង​រូបភាព​ដែល​សង្ស័យ​ថា ជា​ស្រី​ស្នេហ៍​នោះ​ទៀត​ដើម្បី​ចង់​ដឹង​ថា អ្នក​ទាំង​២​មាន​ទំនាក់ទំនង​ស្នេហា​ជាមួយ​គ្នា​ឬ​អត់? ប៉ុន្តែ​ត្រូវ​ស្ត្រី​នោះ​បដិសេធន៍​ថា នាង​មិន​មាន​ស្នេហា​ជាមួយ​ព្រះសង្ឃ​អង្គ​នោះ​ទេ ហើយ​រូបភាព​បែកធ្លាយ​គឺជា​រូប​កាត់ត​ប៉ុណ្ណោះ​។

ដោយសារ​តែ​ចម្លើយ​បដិសេធន៍​មិន​អាច​បន្ត​ការ​ប្រជុំ​ទៀត​បាន គណៈកម្មការ​ចម្រុះ​ខាងលើ​បាន​សម្រេច​ផ្អាក​ត្រឹមនោះ និង​រង់ចាំ​ការ​ស្រាវជ្រាវ​បន្ត ប៉ុន្តែ​មជ្ឈដ្ឋាន​នានា​បាន​និយាយ​ថា បើ​ចង់​ដឹង​ការ​ពិត​ពី​រូបភាព​ខាងលើ​ថា ត​ពិត ឬ​ក្លែងក្លាយ​នោះ សូម​ពឹង​ឲ្យ​អ្នកជំនាញ​អាយ​ធី​ជួយ​ពិនិត្យ​មើលទៅ​នឹង​ដឹង​ភ្លាម ហើយ​ចង់​ប្រកែក​ក៏​មិន​បាន​ដែរ​៕ (​កែសម្រួល​ដោយ ៖ បុប្ផា​)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ