ខេត្តកំពង់ធំ ៖ មុនមានការភ្ញាក់ផ្អើលនេះ ត្រូវប្រពន្ធសង្ស័យក៏ដេីរមេីលតាមរបងផ្ទះខាងលិច ស្រាប់តែប្រទះឃេីញប្តីចង.កនឹងមែកស្វាយ ទើបហៅបងប្អូនជិតខាងឲ្យមកជួយពិនិត្យមេីល និងកាត់ខ្សែសែងប្តីទៅដាក់ក្នុងផ្ទះក្រែងនៅរស់ តែគាត់បានស្លាប់ទៅហេីយ ។ មរណភាពដោយចងកនេះ…
ខេត្តកំពង់ធំ ៖ មុនមានការភ្ញាក់ផ្អើលនេះ ត្រូវប្រពន្ធសង្ស័យក៏ដេីរមេីលតាមរបងផ្ទះខាងលិច ស្រាប់តែប្រទះឃេីញប្តីចង.កនឹងមែកស្វាយ ទើបហៅបងប្អូនជិតខាងឲ្យមកជួយពិនិត្យមេីល និងកាត់ខ្សែសែងប្តីទៅដាក់ក្នុងផ្ទះក្រែងនៅរស់ តែគាត់បានស្លាប់ទៅហេីយ ។ មរណភាពដោយចងកនេះ ក៏ទទួលបានការធ្វើកោសល្យវិច័យផងដែរ ។
គួរបញ្ជាក់ដែរថា មន្ត្រីនគរបាលប៉ុស្តិ៍រូបនេះ បានចងកសម្លាប់ខ្លួន និងបង្កឲ្យមានការភ្ញាក់ផ្អើលកាលពីវេលាម៉ោងប្រមាណ៥និង៤០នាទីព្រឹក ថ្ងៃទី១៩ មិថុនា នៅភូមិសំពុង ឃុំប្រាសាទ ស្រុកសន្ទុក ។ ជនរងគ្រោះឈ្មោះ សូ សារាវុធ អាយុ៥០ឆ្នាំ ជនជាតិខ្មែរ ជាមន្ត្រីនគរបាលប៉ុស្តិ៍ឃុំប្រាសាទ ។
បើតាមការរៀបរាប់របស់ប្រពន្ធឈ្មោះ កែវ សៀង អាយុ៤០ឆ្នាំថា កន្លងមក ប្ដីគាត់តែងត្អូញត្អែរថា មិនសូវស្រួលខ្លួនសោះ ពេលហូបបាយរួចម្ដងៗ ចេះតែមានអាការហើមពោះឆ្អល់ពោះ តឹងណែន ហើយមួយរយៈមកនេះ គាត់ចេះតែដើរនិយាយប្រាប់មិត្តភក្តិថា បើឈឺយ៉ាងៗនេះប្រហែលរស់មិនបានយូរទេ ។
ស្ត្រីជាប្រពន្ធបន្តថា នៅល្ងាចថ្ងៃទី១៨ មិថុនា គាត់បានឲ្យថ្នាំឈឺក្រពះទៅប្ដីលេប ។ មួយសន្ទុះក្រោយមក គាត់បានសួរ ហើយប្ដីឆ្លើយថា បានគ្រាន់បន្តិចហើយក៏នាំគ្នាសម្រាកទៅ ។
លុះវេលាម៉ោង៥ទៀបភ្លឺ ពេលគាត់ភ្ញាក់ពីដំណេកមិនឃើញប្តី ក៏នាំកូនជិះម៉ូតូដើររករហូតដល់វត្តចំបក់ជ្រំនៅតែមិនឃេីញ ក៏នាំកូនត្រឡប់មកផ្ទះវិញ ដេីរសួរអ្នកជិតខាង ក៏គ្មានអ្នកណាឃើញដែរ តែឮសូរឆ្កែព្រុសកាលពីយប់។
ចែករំលែកព័តមាននេះ