មានសេរីភាព ផាកពិន័យ6លានរៀល និងសងជំងឺចិត្ត100រៀល…
- ភ្នំពេញ
រាជធានីភ្នំពេញ ៖ ដូចកាលកំណត់ លោក ផែង វណ្ណៈ ត្រូវបានសាលក្រមសាលាដំបូងរាជធានីភ្នំពេញប្រកាសទោសជាសាធារណៈ កាលពីព្រឹកថ្ងៃទី១៧ ខែមិថុនា ដោយផ្តន្ទាទោសកំណត់១ឆ្នាំ…
រាជធានីភ្នំពេញ ៖ ដូចកាលកំណត់ លោក ផែង វណ្ណៈ ត្រូវបានសាលក្រមសាលាដំបូងរាជធានីភ្នំពេញប្រកាសទោសជាសាធារណៈ កាលពីព្រឹកថ្ងៃទី១៧ ខែមិថុនា ដោយផ្តន្ទាទោសកំណត់១ឆ្នាំ…
រាជធានីភ្នំពេញ ៖ ដូចកាលកំណត់ លោក ផែង វណ្ណៈ ត្រូវបានសាលក្រមសាលាដំបូងរាជធានីភ្នំពេញប្រកាសទោសជាសាធារណៈ កាលពីព្រឹកថ្ងៃទី១៧ ខែមិថុនា ដោយផ្តន្ទាទោសកំណត់១ឆ្នាំ តែទោសនេះតម្រូវឲ្យអនុវត្តក្នុងពន្ធនាគារត្រឹម២ខែ១៥ថ្ងៃ ពិន័យជាប្រាក់៦លានរៀលនិងសងជំងឺចិត្ត១០០រៀល ពោលគឺសាលក្រមប្រកាសតម្រឹមទោសលោក ផែង វណ្ណៈ ឲ្យមានសេរីភាពវិញ ។ សូមបញ្ជាក់ថា មុនមានការបើកសវនាការនេះ នៅថ្ងៃទី១១ ខែមិថុនា លោក ផែង វណ្ណៈ បានធ្វើលិខិតសុំទោសសម្តេចតេជោ ហ៊ុន សែន ហើយនៅក្នុងសវនាការលោក ផែង វណ្ណៈ ក៏បាន ថ្លែងតែពីការទទួលស្គាល់កំហុសរបស់ខ្លួន និងការសុំទោសទៅដល់នាយកអង្គភាពព័ត៌មានFresh News ផងដែរ ។
សាលក្រមបានប្រកាសថា បទញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហារកេរ្តិ៍ជាសាធារណៈ ពាក់ព័ន្ធនឹងបណ្តឹងរបស់សម្តេចតេជោ ហ៊ុន សែន ដែលមានលោក គី តិច ជាមេធាវីតំណាងដោយអាណត្តិ ផែង វណ្ណៈ ត្រូវបានពិន័យជាប្រាក់ចូលថវិការដ្ឋចំនួន៤លានរៀល និងពិន័យជាប្រាក់២លានរៀល ពីបទបរិហារកេរ្ត៍ជាសាធារណៈ និងសងជំងឺចិត្តទៅដើមបណ្តឹងអង្គភាពសារព័ត៌មាន Fresh News ដែលមានលោក លី រដ្ឋធី ជាមេធាវីតំណាងដោយអាណត្តិឱ្យលោក លឹម ជាវុត្ថា ទឹកប្រាក់ចំនួន១០០រៀល ។ សាលក្រមនេះត្រូវបានជនជាប់ចោទលោក ផែង វណ្ណៈ យល់ព្រម និងផ្តិតមេដៃទទួលយកដោយក្តីស្ងៀមស្ងាត់បំផុត ។
គួររំឭកថា កាលពីពេលសវនាការជំនុំជម្រះក្តី លោក ផែង វណ្ណៈ បានទទួលស្គាល់កំហុសទាំងអស់ដូចអ្វីដែលខ្លួនបានប្រព្រឹត្ត រហូតលើកដៃសុំទោសចំពោះទង្វើទាំងអស់នេះ និងបានសន្យាឈប់ប្រព្រឹត្តតទៅទៀតផងដែរ ។ លោក គី តិច មេធាវីការពារសិទ្ធិ និងជាតំណាងឲ្យសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា បានស្នើឲ្យតុលាការផ្តន្ទាទោសលោក ផែង វណ្ណៈ ទៅតាមច្បាប់ បើទោះបីលោក ផែង វណ្ណៈ បានធ្វើលិខិតសុំទោសសម្តេចតេជោក៏ដោយ ក៏ប៉ុន្តែមិនទាមទារសំណងជំងឺចិត្តពីលោក ផែង វណ្ណៈ ទេ ។
លោក គី តិច បានលើកឡើងថា ការបង្ហោះសារ និងរូបភាពប្រៀបធៀបរបស់ជនជាប់ចោទ ពិតជាបានធ្វើឲ្យប៉ះពាល់ដល់កិត្តិយស និងធ្វើឲ្យមានការយល់ច្រឡំលើសម្តេចតេជោនាយករដ្ឋមន្ត្រី ប្រាកដមែនហើយ ប៉ុន្តែដោយសារជនជាប់ចោទមានការភ្ញាក់រឭកទទួលស្គាល់កំហុស និងសុំទោសជាសាធារណៈចំពោះទង្វើរបស់ខ្លួន ដូច្នេះសម្តេចតេជោនាយករដ្ឋមន្ត្រី មិនបានទាមទារសំណងពីជនជាប់ចោទទេ ។
ំណែកលោកមេធាវី លី រដ្ឋធី តំណាង ឲ្យអង្គភាពសារព័ត៌មាន Fresh News បានសំណូមពរឲ្យតុលាការផ្តន្ទាទោសជនជាប់ចោទតាមផ្លូវច្បាប់ដែរ ប៉ុន្តែចំពោះការទាមទារសំណងជាទឹកប្រាក់ចំនួន៥០ម៉ឺនដុល្លារអាមេរិក ដើមបណ្តឹងហាក់បីដូចជាទុកសិទ្ធិឲ្យតុលាការសម្រេច ហើយតុលាការសម្រេចប្រើឆន្ទានុសិទិ្ធ តម្រូវឲ្យសងជំងឺចិត្តទៅអង្គភាពFresh News តែ១០០រៀលប៉ុណ្ណោះ ។
លោក ផែង វណ្ណៈ ត្រូវបានកម្លាំងកងរាជអាវុធ ហត្ថលើផ្ទៃប្រទេស ចាប់ឃាត់ខ្លួនកាលពីព្រឹកថ្ងៃទី២ ខែ មេសាកន្លងមកនេះ តាមដីការបស់ព្រះរាជអាជ្ញាបញ្ជាឲ្យចូលខ្លួនដើម្បីសាកសួរ ។ អ្នកលេងហ្វេសប៊ុករូបនេះ ក៏នៅជាប់បណ្តឹងមួយទៀតរបស់លោក ខាន់ សុវណ្ណ មន្ត្រីគយចូលនិវត្តន៍ ដែលពេលនេះជាអ្នកលេងហ្វេសប៊ុក ដោយដាក់ឈ្មោះថាអង្គព្រោកប្រាជ្ញ ដែលបានប្តឹងដែរ ។ លោក ខាន់ សុវណ្ណបានចូលបំភ្លឺដល់តុលាការពាក់ព័ន្ធនឹងបណ្តឹងរបស់លោករួចហើយ ដូច្នេះមានន័យថារឿងក្តីនេះនឹងបន្តទៅតាមច្បាប់ ៕
ចែករំលែកព័តមាននេះ