វិធីមួយដែលលោកអ្នកប្រាជ្ញធ្លាប់ប្រើទៅមានប្រសិទ្ធភាព គឺការធ្វើសមាធិនៅពេលខឹង។ ឧទាហរណ៍ៈ បើយើងខឹងនឹងអ្នកណាមួយខ្លាំង គប្បីបិទភ្នែក ឬមិនបាច់បិទក៏បាន ហើយដកដង្ហើមឱ្យបានវែងៗជាទីបំផុតចំនួន១០ដង។ នៅពេលកំពុងដកដង្ហើមវែងៗនោះ ភ្នែក ឬចិត្ត…
វិធីមួយដែលលោកអ្នកប្រាជ្ញធ្លាប់ប្រើទៅមានប្រសិទ្ធភាព គឺការធ្វើសមាធិនៅពេលខឹង។ ឧទាហរណ៍ៈ បើយើងខឹងនឹងអ្នកណាមួយខ្លាំង គប្បីបិទភ្នែក ឬមិនបាច់បិទក៏បាន ហើយដកដង្ហើមឱ្យបានវែងៗជាទីបំផុតចំនួន១០ដង។
នៅពេលកំពុងដកដង្ហើមវែងៗនោះ ភ្នែក ឬចិត្ត ត្រូវសម្លឹងមើលចុងច្រមុះជាកន្លែងដែលខ្យល់រត់ចេញរត់ចូលប៉ះនឹងរឹមច្រមុះ កុំឱ្យចិត្តងាកបែរទៅណាឱ្យសោះ ហើយព្យាយាមផ្សាយមេត្តាដល់សព្វសត្វ ធ្វើដូច្នេះកម្លាំងរបស់ទោសៈនឹងអាចថយចុះបាន ។
វិធីមួយទៀតក៏មានប្រសិទ្ធភាពដោយការទន្ទេញ ឬភាវនាខ្សឹបៗ ប្រាប់ខ្លួនឯងថា កុំខឹង កុំខឹង កុំខឹង មិនខ្ចីខឹង មិនខ្ចីខឹង កុំទៅខឹងៗ ខឹងបានការអ្វីៗ ឱ្យបានជាប់ជានិច្ចរាល់ឥរិយាបថ រាល់កិច្ច និងរាល់ពេលដែលមានអារម្មណ៍ទោសៈចូលមកប៉ះចិត្ត ដូច្នេះកម្លាំងរបស់ទោសៈនឹងអាចថយចុះជាលំដាប់រហូតបាត់អស់ជាមិនខាន ។
វិធីសាស្ត្រទាំងអស់នេះជាគន្លឹះយ៉ាងសំខាន់ជួយរំលត់ភ្លើងទោសៈចេញពីចិត្ត និងនាំឱ្យអារម្មណ៍ស្ងប់ ត្រជាក់ សុខស្រួលជាប្រក្រតី ។
ចែករំលែកព័តមាននេះ