ម្តាយតារាសម្តែង អ៊ុន សុធា ទទួលមរណភាពហើយ
- ភ្នំពេញ
រាជធានីភ្នំពេញ ៖ ពិតជាគួរសោកសង្រេងណាស់ ខណៈនៅម៉ោងប្រមាណជាង៤រសៀល ថ្ងៃទី១៥ ខែមិថុនា ឆ្នាំ២០១៩ ម្ដាយរបស់តារាសម្ដែងល្បីល្បាញលោក អ៊ុន សុធា…
រាជធានីភ្នំពេញ ៖ ពិតជាគួរសោកសង្រេងណាស់ ខណៈនៅម៉ោងប្រមាណជាង៤រសៀល ថ្ងៃទី១៥ ខែមិថុនា ឆ្នាំ២០១៩ ម្ដាយរបស់តារាសម្ដែងល្បីល្បាញលោក អ៊ុន សុធា…
រាជធានីភ្នំពេញ ៖ ពិតជាគួរសោកសង្រេងណាស់ ខណៈនៅម៉ោងប្រមាណជាង៤រសៀល ថ្ងៃទី១៥ ខែមិថុនា ឆ្នាំ២០១៩ ម្ដាយរបស់តារាសម្ដែងល្បីល្បាញលោក អ៊ុន សុធា បានទទួលមរណភាពហើយ បន្ទាប់ពីលោករមែងបង្ហោះឲ្យដឹងពីជំងឺរ៉ាំរ៉ៃអស់រយ:ពេលជាយូរមកហើយ។
ចាប់តាំងពីម្តាយរបស់លោកចូលសម្រាកនៅតាមមន្ទីរពេទ្យមកលោក អ៊ុន សុធា កម្របង្ហាញនូវការត្អូញត្អែរប្រកូកប្រកាសឲ្យគេដឹងពីបញ្ហាវិបត្តិក្នុងចិត្ត ដើម្បីកៀងគងរកជំនួញ ដោយអ្នកសិល្បៈខ្លះដឹងបានជួយ។ លោកមិនចង់បើកការនិយាយពីភាពលំបាក ដោយសារតែនឹកគិតទៅលើពាក្យថា សិល្បៈឲ្យតែឈឺ រកជំនួញ។
ម្ល៉ោះហើយសុធា ចេះតែតស៊ូមើលថែម្តាយជាមួយបងប្អូនឲ្យអស់ពីលទ្ធភាពមិនឲ្យគេនិយាយថា យកជំងឺឪពុកម្តាយធ្វើអាជីកម្មឲ្យគេអាណិត។ ទស្សនិកជន និងសិល្បករជាច្រើនដឹងរឿងនេះ តក់ស្លត់សង្វេគលោកគ្រប់គ្នា ហើយរំពឹងថា មិត្តសិល្បករទាំងអស់ចូលរួមបុណ្យទាំងអស់គ្នា ដើម្បីឲ្យលោកសុធា មានទឹកចិត្តរឹងមាំជូនដំណើរម្តាយលើកចុងក្រោយ។
ម្ដាយរបស់លោកត្រូវបានប្រកាសថា ទទួលមរណភាពក្នុងអាយុ៧០ឆ្នាំ ដោយជំងឺទឹកនោមផ្អែម និងជំងឺថ្លើមជាដើម។ នេះបើយោងតាមការបញ្ជាក់របស់តារាសម្ដែងកញ្ញា ចូចូ ដែលជាប្អូនធម៌ជិតស្និទ្ធរបស់លោក។ យ៉ាងណាមិញនៅមិនទាន់ដឹងថា តើលោក អ៊ិន សុធា នឹងកំណត់បូជាថ្ងៃណានៅឡើយនោះទេ? (កែសម្រួលដោយ ៖ បុប្ផា)
ចែករំលែកព័តមាននេះ