ផន ស្រីខួច និង វីឌីណែត បង្ហាញអារម្មណ៍ឯកាក្នុងជីវិតនៅលីវ
- ភ្នំពេញ
រាជធានីភ្នំពេញ ៖ តារាចម្រៀងរួមទ្រនំក្នុងផលិតកម្មហង្សមាស កញ្ញា ផន ស្រីខួច និង កញ្ញា វី ឌីណែត…
រាជធានីភ្នំពេញ ៖ តារាចម្រៀងរួមទ្រនំក្នុងផលិតកម្មហង្សមាស កញ្ញា ផន ស្រីខួច និង កញ្ញា វី ឌីណែត…
រាជធានីភ្នំពេញ ៖ តារាចម្រៀងរួមទ្រនំក្នុងផលិតកម្មហង្សមាស កញ្ញា ផន ស្រីខួច និង កញ្ញា វី ឌីណែត បានបង្ហាញអារម្មណ៍ពីភាពឯការបស់ខ្លួនក្នុងជីវិតនៅលីវ ស្របពេលដែលតារាជាច្រើនបានរកឃើញគូគាប់ និងបានចូលរោងការជាបន្តបន្ទាប់។
ផន ស្រីខួច និយាយថា មានមិត្តភក្តិបងប្អូនជាច្រើនតែងសួរខ្ញុំថា នៅម្នាក់ឯងចឹងឯកាអត់??? ខ្ញុំឆ្លើយប្រាប់ថា yes ពេលខ្លះមានអារម្មណ៍ឯកាដែរ។ បញ្ហាត្រង់ថា ឯណាទៅភាពពិតប្រាកដដែលយើងត្រូវការ។
ចំណែកតារាចម្រៀងដែលជាកូនស្រីរបស់លោក ហ៊ួ ឡាវី កញ្ញា វីឌីណែត ក៏មានអារម្មណ៍រអៀសខ្លួនខ្លះដែរ នៅពេលមានមិត្តភក្តិសួរនាំពីរឿងគូគាប់។ បើទោះបីជានៅវ័យក្មេង និងរងគំនាបពីគ្រួសារមិនឱ្យមានស្នេហាផ្តេសផ្តាស់ក៏ដោយ ប៉ុន្តែកន្លងមក តារារូបនេះក៏បានពើបប្រទះនូវរឿងរ៉ាវស្នេហាមួយចំនួនផងដែរ។
យ៉ាងណារឿងរ៉ាវទាំងអស់នោះ គ្រាន់តែលឺមួយខ្យល់ប៉ុណ្ណោះក៏រសាត់បាត់ទៅវិញ។ រហូតមកដល់ពេលនេះ វី ឌីណែត នៅមិនទាន់លិចឮរឿងស្នេហាថ្មីនៅឡើយទេ។ ភាពឯកាជាមួយជីវិតនៅលីវនេះ ត្រូវបាន វីឌីណែត បង្ហោះសារតាមហ្វេសប៊ុកថា អារម្មណ៍នៅពេលទៅកម្មវិធីមង្គលការគេ ហើយត្រូវគេសួរថា ពេលណាដល់វេនខ្លួនឯង?? ចង់ប្រាប់ថា គេនៅក្មេងទេ គេមិនទាន់គិតគូទេ ណាមួយមកពីអត់..។
គួរបញ្ជាក់ថា ទាំង ផន ស្រីខួច និង វី ឌីណែត កំពុងសាងភាពល្បីល្បាញរបស់ខ្លួននៅក្នុងផលិតកម្មហង្សមាស ដោយទាំងពីរនាក់បានចេញបទចម្រៀងជាបន្តបន្ទាប់ និងឡើងច្រៀងនៅតាមឆាកតន្ត្រីនានាស្ទើរមិនដាច់សូរ៕ (កែសម្រួលដោយ ៖ បុប្ផា)
ចែករំលែកព័តមាននេះ