ថៃ ៖ លោកអ្នកដែលបានទស្សនារឿងភាគ «មនោរាហ៍» កាលពីប្រមាណជិត២០ឆ្នាំមុន អាចនឹងនៅចាំតួប្រុសល្បីម្នាក់នេះបានគឺតួ «ខាន់ឈិត» ដែលមានឈ្មោះពិតថា «ខេតត៍ ថានថ័ប» (Kett Thantup) ។ ត្បិតតែច្ចុប្បន្នលោកមានវ័យ៤២ឆ្នាំហើយក្ដី តែរូបលោកក៏នៅតែសង្ហាមិនចាញ់តារាស្រករក្រោយដែរ ។ លោកមានទំនាក់ទំនងស្នេហានឹងគូស្នេហ៍ដែលជាវីជេ នាង «នែត ថាក់សៈយ៉ា ធីយ៉ាណាតថៈណ័នឆា» រហូតដល់អ្នកទាំងពីរសម្រេចចិត្តប្រើជីវិតគូរួមគ្នា និងមានកូនម្នាក់ឈ្មោះថា «ណងឌីចា) ជាចំណងដៃ។
ពេលចុងក្រោយនេះ បានឮដំណឹងពីការលាឈប់ពីទូរទស្សន៍ប៉ុស្តិ៍លេខ៧ថៃ ក៏ព្រោះថាខ្លួនធ្វើការច្រើនពេករហូតដល់មិនមានពេលវេលាសម្រាប់គ្រួសារ ដែលលោកបានបញ្ជាក់ថា៖ «យើងធ្វើការមកជិត ២ ឆ្នាំហើយ សម្រាប់ការធ្វើការនៅក្រោយឆាកសម្ដែង ចំណែកការងារជាអ្នកសម្ដែងនោះ លោកក៏ធ្វើមកប្រមាណ ២០ ឆ្នាំហើយ ។ ការងារក្រោយឆាកសម្ដែង ជាការងារដែលហត់ខ្លាំង ហើយប្រើពេល ប្រើការតាំងចិត្ត ប្រើការព្យាយាមច្រើន វាធ្វើឱ្យអស់ពេលវេលាក្នុងជីវិតយើងច្រើនណាស់ ។ និយាយឱ្យងាយទៅ ពេលវេលាមើលថែកូនមិនមាន ពេលខ្លះ ៤ ថ្ងៃមិនបានជួបមុខកូនក៏មាន ។ ខ្ញុំមានអារម្មណ៍ថាវាជាអ្វីដែលមិនច្បាស់ចិត្តសោះថាយើងកំពុងប្រើជីវិតត្រូវតាមផែនការរបស់យើងឬអត់? យើងកំពុងប្រើជីវិតខុសទេដឹង? រួចក៏មកអង្គុយគិតគូម្ដងទៀត ក៏មានការពិភាក្សាជាមួយចាស់ទុំ ក៏ដើរចូលទៅប្រាប់ពួកគាត់បាទ» ។
ប៉ុន្តែលោកក៏បានបញ្ជាក់ថា សម្រាប់ការងារសម្ដែងរឿង លោកក៏នៅតែទទួលថតជាធម្មតា លោកឈប់តែការងារក្រោយឆាកប៉ុណ្ណោះ ៕
ប្រភព ៖ thaimarketing , កែសម្រួលដោយ ៖ សំណាង
ចែករំលែកព័តមាននេះ