តារាចម្រៀងដ៏ស្រស់ស្អាតម្នាក់មានអាការភិតភ័យ ព្រោះអ្នកគាំទ្រម្នាក់បានរត់ទៅថើបថ្ពាល់របស់នាងដោយមិនដឹងខ្លួន ។ កាលពីថ្ងៃទី២ មិថុនា នាង Miley Cyrus ធ្វើដំណើរទៅក្រុងបាសេឡូណា ប្រទេសអេស្ប៉ាញដើម្បីចូលរួមសម្តែង…
តារាចម្រៀងដ៏ស្រស់ស្អាតម្នាក់មានអាការភិតភ័យ ព្រោះអ្នកគាំទ្រម្នាក់បានរត់ទៅថើបថ្ពាល់របស់នាងដោយមិនដឹងខ្លួន ។ កាលពីថ្ងៃទី២ មិថុនា នាង Miley Cyrus ធ្វើដំណើរទៅក្រុងបាសេឡូណា ប្រទេសអេស្ប៉ាញដើម្បីចូលរួមសម្តែង ។
នៅពេលនាងដើរកម្សាន្តជាមួយគូស្នេហ៍លោក Liam Hemsworth ក៏មានអ្នកគាំទ្រចេញស្វាគមន៍យ៉ាងណែនណាន់តាន់តាប់ ។ នាងបានលើកដៃស្វាគមន៍ប្រកបដោយក្ដីរីករាយ តែពេលដើរសម្តៅទៅរថយន្តដែលចតចោល ក៏មានរឿងនឹកស្មានមិនដល់មួយ គឺបុរសម្នាក់រត់ទៅអោបពីក្រោយ និងថើបនាង ។
ភ្លាមនោះកងអង្គរក្សប្រញាប់ចូលទៅរុញបុរសបង្កហេតុ ខណៈ Miley Cyrus ស្ថិតក្នុងសភាពភ័យខ្លាច ហើយលោក លីយ៉ាម ចូលអោបនាង ។ មិនបង្អង់យូរពួកគេឡើងរថយន្តចាកចេញពីកន្លែងកើតហេតុនោះ ៕
កែសម្រួលដោយ ៖ សំណាង
ចែករំលែកព័តមាននេះ