រាជធានីភ្នំពេញ ៖ គណៈរដ្ឋមន្ត្រីបានបើកសម័យប្រជុំអង្គអនុម័តទាំងស្រុងលើសេចក្តីព្រាងគោលនយោបាយជាតិស្តីពីការសិក្សាពេញមួយជីវិត ។ ការបើកសម័យប្រជុំពេញអង្គក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានាព្រឹកថ្ងៃទី៧មិថុនា ឆ្នាំ២០១៩ ។…
រាជធានីភ្នំពេញ ៖ គណៈរដ្ឋមន្ត្រីបានបើកសម័យប្រជុំអង្គអនុម័តទាំងស្រុងលើសេចក្តីព្រាងគោលនយោបាយជាតិស្តីពីការសិក្សាពេញមួយជីវិត ។ ការបើកសម័យប្រជុំពេញអង្គក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានាព្រឹកថ្ងៃទី៧មិថុនា ឆ្នាំ២០១៩ ។
ខ្លឹមសារនៃគោលនយោបាយ «ការសិក្សាពេញមួយជីវិត» គឺជាបញ្ញតិ្តគោលមួយដែលបានដាក់បញ្ចូលទៅក្នុងគោលនយោបាយអប់រំរបស់ប្រទេសជឿនលឿន និងប្រទេសកំពុងអភិវឌ្ឍ ។ តាមរយៈបញ្ញត្តិនៃការសិក្សាពេញជីវិតនេះបានលេចឡើងនូវបញ្ហាប្រឈមមួយចំនួនដូចជាសិទ្ធិទទួលបានការអប់រំ ការចុះឈ្មោះចូលរៀន និងគុណភាពអប់រំដែលមិនទាន់ឆ្លើយតបនឹងការវិវត្តរបស់ពិភពលោក ។ នេះបើតាមអ្នកនាំពាក្យទីស្តីគណៈរដ្ឋមន្ត្រីបង្ហោះលើកបណ្តាញសង្គម ។
ប្រភពបានបន្តថា ក្នុងសតវត្សទី២១នេះ ការសិក្សាពេញមួយជីវិតបានកា្លយជាប្រធានបទដ៏សំខាន់សម្រាប់ការអប់រំ ហើយក៏ជាឧបករណ៍ដែលមានប្រយោជន៍សម្រាប់ទទួលបានសិទ្ធិសេរីភាព ភាពសប្បាយរីករាយ និងឆ្លើយតបទៅនឹងបម្រែបម្រួលនៃតម្រូវការទីផ្សារការងារ ពិសេសភាពចាំបាច់នៃការសិក្សារបស់ពលរដ្ឋគ្រប់រូបនៅគ្រប់កាលៈទេសៈផងដែរ ។ ប្រភពបានលើកឡើងទៀតថា ការសិក្សាពេញមួយជីវិតបានក្លាយជាសមាសភាគសំខាន់ក្នុងគោលដៅទី៤នៃក្របខណ្ឌគោលនៅអភិវឌ្ឍន៍ប្រកបដោយចីរភាពឆ្នាំ២០៣០ នៅអ៊ីនឈន់ សាធារណរដ្ឋកូរ៉េ ពោល គឺ «ធានាឲ្យការអប់រំមានគុណភាពប្រកបដោយសមធម៌ បរិយាបទ និងលើកកម្ពស់ឱកាសក្នុងការសិក្សាពេញមួយជីវិតសម្រាប់ទាំងអស់គ្នា » ។
នៅពេលបច្ចុប្បន្ននេះប្រព័ន្ធអប់រំកម្ពុជាមានការរីកចម្រើនខាងបរិមណគូរជាទីមោទនៈជាពិសេសនៅកម្រិតបឋមសិក្សា ។ ទោះបីជាយ៉ាងនេះក្តីបញ្ហាសិស្សបោះបង់ការសិក្សា និងគុណភាពសិក្សានៅតែជាក្តីកង្វល់នៅឡើយ ។ ជាក់ស្តែងអត្រាពិតនៃការសិក្សានៅបឋមសិក្សាមានប្រមាណ៩៧% នៅទសវត្សរ៍ចុងក្រោយនេះ ។ ប៉ុន្តែសិស្សដែលអាចបញ្ចប់ការសិក្សានៅបឋមសិក្សាមានប្រមាណ៨០% បញ្ចប់មធ្យមសិក្សាបឋមភូមិមានប្រមាណ៤០% និងមធ្យមសិក្សាទុតិយភូមិមានប្រមាណ២០% ។ ការវាយតម្លៃថ្នាក់ជាតិលើមុខវិជ្ជាភាសាខែ្មរនិងគណិតវិទ្យាក៏បានបង្ហាញផងដែរថា សិស្សស្ទើរតែពាក់កណ្តាលដែលបានចូលរួមក្នុងការវាយតម្លៃនៅថ្នាក់ទី៣ ទី៦ ទី៨ មិនទទួលបានចំណេះដឹងដូចការរំពឹងទុកនោះទេ ។
គោលនយោបាយអប់រំក្រៅប្រព័ន្ធឆ្នាំ២០០២ បានរួមចំណែកសម្រេចលទ្ធផលខាងលើនេះ តាមរយៈការផ្តល់ការអប់រំគ្រប់រូបភាព ។ វិសាលភាពគោលនយោបាយនេះ នៅមិនទាន់អាចឆ្លើយតមបានទៅនឹងបរិបទនៃការអភិវឌ្ឍសង្គមសេដ្ឋកិច្ចរបស់ប្រទេសទោះបីមានភាពស៊ីចង្វាក់គ្នាទៅនឹងបញ្ញត្តិនៃការសិក្សាពេញមួយជីវិយ៉ាងណាក៏ដោយ ។ គោលនយោបាយអប់រំក្រៅប្រព័ន្ធឆ្នាំ២០០២ ត្រូវឲ្យធ្វើបច្ចុប្បន្នកម្មដោយត្រូវពង្រីកវិសាលភាព និងយន្តការមួយចំនួនឲ្យកាន់តែប្រសើរថែមទៀត ។
ចក្ខុវិស័យ ផ្នែកនេះបានលើកឡើងអំពីចក្ខុវិស័យរបស់គោលនយោបាយជាតិស្ដីពីការសិក្សាពេញមួយជីវិតដែលមានខ្លឹមសារថា «អភិវឌ្ឍប្រជាជនកម្ពុជាគ្រប់រូបអោយមានវិជ្ជាសម្បទា បំណិនសម្បទា កាយសម្បទា និងគុណសម្បទា ដើម្បីរួមចំណែកបង្កើតសេដ្ឋកិច្ច និងលើកកម្ពស់សុខដុមនីយកម្មជីវិតបុគ្គលគ្រួសារ និងសង្គម តាមរយៈការផ្ដល់ឪកាសសិក្សាពេញមួយជីវិត គ្រប់ពេលវេលា គ្រប់ទីកន្លែង និងគ្រប់មធ្យោបាយ» ។ ប្រភពក៏បានលើកឡើងទៀតថា គោលដៅគោលនយោបាយនេះបានកំណត់គោលដៅសំខាន់ៗចំនួន៦ គឺ ផ្ដល់សេវាសិក្សាពេញមួយជីរិតដល់ប្រជាជនកម្ពុជាគ្រប់រូប ។
១-អភិវឌ្ឍកម្មវិធីសិក្សាពេញមួយជីវិតអោយសម្បូរបែប និងមានភាពបត់បែន ឆ្លើយតបទៅនឹងតម្រូវការរបស់អ្នកសិក្សា ២-អភិវឌ្ឍមជ្ឈមណ្ឌលសិក្សាហេដ្ឋារចនាសម្ព័ន្ធ និងទីកន្លែងសិក្សាឲ្យបានសមស្រប ៣-បណ្ដុះបណ្ដាលអ្នកសម្របសម្រួលកម្មវិធីសិក្សាពេញមួយជីវិតប្រកបដោយវិជ្ជាជីវៈ ៤-ផ្ដល់ការទទួលស្គាល់ ការបញ្ជាក់សុភពលភាព និងមានការទទួលស្គាល់គុណភាព ចំណេះដឹងជំនាញនៃសមត្ថភាពនៃការសិក្សាពេញមួយជីវិត ស្របតាមក្របខណ្ឌគុណវុឌ្ឍិជាតិកម្ពុជាដោយតម្លាភាព យុត្តិធម៌ និងមានសង្គតិភាព ៦-ជំរុញក្រសួង ស្ថាប័នពាក់ព័ន្ធ វិស័យឯកជន និងដៃគួរអភិវឌ្ឍ ផ្ដល់ការគាំទ្រ និងអនុវត្ដការសិក្សាពេញមួយជីវិត ៕
ចែករំលែកព័តមាននេះ