ខេត្តបាត់ដំបង៖ ក្រុមក្មេងទំនើងចំនួន៧នាក់ប្រដាប់ដោយកាំបិត ពូថៅ និងដុំថ្មនៅក្នុងដៃផង ត្រូវកម្លាំងជំនាញនៃការិយាល័យព្រហ្មទណ្ឌកំរិតស្រាលតាមឃាត់ខ្លួនបានបន្តបន្ទាប់ កាលពីវេលាម៉ោង២និង៣០នាទីចូលថ្ងៃទី៥ មិថុនា នេះ ខណៈពួកគេគ្រោងបង្កសង្គ្រាមជ ាមួយគូបក្សដិបក្សនៅកណ្ដាលក្រុងបាត់ដំបង…
ខេត្តបាត់ដំបង៖ ក្រុមក្មេងទំនើងចំនួន៧នាក់ប្រដាប់ដោយកាំបិត ពូថៅ និងដុំថ្មនៅក្នុងដៃផង ត្រូវកម្លាំងជំនាញនៃការិយាល័យព្រហ្មទណ្ឌកំរិតស្រាលតាមឃាត់ខ្លួនបានបន្តបន្ទាប់ កាលពីវេលាម៉ោង២និង៣០នាទីចូលថ្ងៃទី៥ មិថុនា នេះ ខណៈពួកគេគ្រោងបង្កសង្គ្រាមជ ាមួយគូបក្សដិបក្សនៅកណ្ដាលក្រុងបាត់ដំបង ។
លោកឈឿង គឹមសុង នាយការិយាល័យព្រហ្មទណ្ឌកំរិតស្រាលបានឲ្យដឹងថា ក្រុមអន្តរាគមន៍បង្ការ-បង្ក្រាប បានសហការជាមួយកម្លាំងក្រុមអន្តរាគមន៍ប្រឆាំងបទល្មើស ចុះប្រតិបត្តិការតាមក្របួចក្រុមក្មេងទំនើងទាំងនោះ ខណ:ដែលពួកគេបានប្រមូលផ្ដុំគ្នាត្រៀមបង្កអំពើហិង្សា និងបង្កភាពអនាធិបតេយ្យ។ លោកថា ជនខ្លះត្រូវបានបង្ក្រាបនៅខាងមុខសាលាក្រុងបាត់ដំបង ដែលកំពុងប្រមូលផ្ដុំគ្នា មានកាំបិត ពូថៅន ិងដុំថ្ម និងមួយចំនួនទៀត បង្ក្រាបបាននៅតាមផ្លូវដែលមានវត្ថុតាងដូចគ្នា ។ ក្រុមក្មេងទំនើងទាំងនេះ ត្រូវបានបញ្ជូនទៅកាន់ការិយាល័យជំនាញទាំងយប់ដើម្បីសួរនាំ។
បើតាមរបាយការណ៍របស់ការិយាល័យជំនាញបានឲ្យដឹងថា ជនទំនើងទាំង៧នាក់នោះ ១-ឈ្មោះសែន សុវណ្ណាសក្ត័ អាយុ១៥ឆ្នាំ នៅភូមិអូរតាគាំ១ សង្កាត់ទួលតាឯក ២-ឈ្មោះជា កុសល ហៅស៊ីល អាយុ១៨ឆ្នាំ នៅភូមិអូរតាគាំ២ សង្កាត់ទួលតាឯក ៣-ឈ្មោះណុប ចាន់នួន អាយុ១៨ឆ្នាំ នៅស្រុកត្រាំកក់ ខេត្តតាកែវ ៤-ឈ្មោះរិទ្ធ មេសា អាយុ១៥ឆ្នាំ នៅភូមិអូរតាគាំ១ សង្កាត់ទួលតាឯក ៥-ឈ្មោះរ៉េន រដ្ឋា ហៅរត្ន័ អាយុ១៩ឆ្នាំ នៅភូមិសាលាបាឡាត់ សង្កាត់អូរម៉ាល់ ៦-ឈ្មោះ សែន ពិសាល អាយុ១៨ឆ្នាំ នៅភូមិដំណាក់ហ្លួង សង្កាត់វត្តគរ និង៧-ឈ្មោះអ៊ាង ដេត អាយុ២០ឆ្នាំ នៅស្រុកជីក្រែង ខេត្តសៀមរាប។
លោកឧត្តមសេនីយត្រី ជេត វណ្ណនី ស្នងការរងខេត្តបានថ្លែងថា ក្រោយពីឃាត់ខ្លួននាំមកកាន់ស្នងការខេត្ត លោកស្នងការបានបញ្ជាឲ្យមន្ត្រីការិយាល័យជំនាញធ្វើការសួរនាំ ។ ប៉ុន្តែពិតមែនតែក្រុមក្មេងទំនើងទាំងនេះមានកាបិតពូថៅនៅក្នុងដៃ តែតាមគោលការណ៍លោកស្នងការខេត្ត គឺគ្រាន់តែធ្វើការអប់រំតេប៉ុណ្ណោះ មិនចាត់ការតាមនីតិវិធីច្បាប់នោះទេ ព្រោះសំអាងថា ពួកគេមិនទាន់បានប្រព្រឹត្តបទល្មើស ។ លោកស្នងការរងបញ្ជាក់ដែរថា នេះចាត់ទុកជាការទប់ស្កាត់បានទាន់ពេលវេលា ។ (សម្រួលដោយ៖ ស្រីណា)
ចែករំលែកព័តមាននេះ