ចង់បង្កើនកោសិកាឈាមក្រហម គួរគិតពីរបបអាហារ
កង្វះជាតិដែកក្នុងរបបអាហារ និងជីវជាតិ ផ្សេងៗទៀតគឺជាមូលហេតុញឹកញាប់បំផុតនៃការកង្វះកោសិកាគ្រាប់ឈាមក្រហម ។ ការញ៉ាំអាហារសម្បូរជីវជាតិទាំងប្រាំដូចជា វីតាមីន B12, B6, B9, C…
កង្វះជាតិដែកក្នុងរបបអាហារ និងជីវជាតិ ផ្សេងៗទៀតគឺជាមូលហេតុញឹកញាប់បំផុតនៃការកង្វះកោសិកាគ្រាប់ឈាមក្រហម ។ ការញ៉ាំអាហារសម្បូរជីវជាតិទាំងប្រាំដូចជា វីតាមីន B12, B6, B9, C និងE ប្រហែលជាជួយបង្កើនចំនួនកោសិកាគ្រាប់ឈាមក្រហមបាន។ យ៉ាងណាមិញ របបអាហារដែលជាជំនួយក្នុងការបង្កើនចំនួនកោសិកាគ្រាប់ឈាមក្រហមដែរនោះគួរតែមានដូចខាងក្រោមនេះ៖
១-ញ៉ាំអាហារសម្បូរជាតិដែក ៖ រឿងនេះនឹងជួយរាងកាយក្នុងការបង្កើតឡើងវិញ និងជំនួសអ្វីដែលបាត់បង់ ។ ការញ៉ាំអាហារសម្បូរជាតិដែលរាល់ថ្ងៃនឹងជួយបង្កើនកោសិកាគ្រាប់ឈាមក្រហមក្នុងរាងកាយបាន ។
អាហារសម្បូរជាតិដែកមានដូចជា ៖ •សណ្តែក •បន្លែពណ៌បៃតងដូចជា ត្រកួន ឬស្ពៃស្ពីណាចជាដើម ។ •ផ្លែឈើក្រៀម •សាច់គ្រឿងក្នុង •ស៊ុតពណ៌លឿង •សាច់ក្រហម ។
២-ញ៉ាំជាតិទងដែងឲ្យបានច្រើន ៖ ជាតិទងដែងគឺជាជាតិរ៉ែដ៏សំខាន់មួយផ្សេងទៀតដែលអាចជួយកោសិកាបង្កើតជាតិដែកសម្រាប់កើតជាកោសិកាគ្រាប់ឈាមក្រហមក្នុងពេលរំលាយជាតិដែកបាន ។ ជាតិទង់ដែងអាចមានក្នុងសាច់បក្សី សាច់សត្វមានសម្បក ថ្លើមសត្វ គ្រាប់ធញ្ញជាតិ សូកូឡាជាដើម ។ អ្នកក៏អាចញ៉ាំថ្នាំបំប៉នជាតិទងដែងបានដែរ គឺ ៩០០ម៉ៃក្រូក្រាមក្នុងមួយថ្ងៃ ។ ស្ថិតក្នុងវ័យបន្តពូជ ស្ត្រីដែលមករដូវត្រូវការជាតិទង់ដែងច្រើនជាងបុរស ។
៣-ចូរប្រាកដថា អ្នកទទួលបានជាតិអាស៊ីហ្វូលីកគ្រប់គ្រាន់ហើយ ៖ អាស៊ីតហ្វូលីកមានឈ្មោះមួយទៀតហៅថាវីតាមីន B9 ដែលអាចជួយដល់ការផលិតកោសិកាគ្រាប់ឈាមក្រហមធម្មតាបាន ។ អ្នកអាចទទួលបានវីតាមីនមួយនេះពីអាហារដូចជា នំបុ័ង បន្លែពណ៌បៃតងចាស់ សណ្តែក និងគ្រាប់ធញ្ញជាតិ ។ អ្នកក៏អាចប្រើជាថ្នាំបំប៉ន ១០០ទៅ ២៥០ម៉ៃក្រូក្រាមជារៀងរាល់ថ្ងៃបាន ។ សម្រាប់ស្ត្រីដែលមករដូវទៀងទាត់គួរតែញ៉ាំវា៤០០ម៉ៃក្រូក្រាមជារៀងរាល់ថ្ងៃ ខណៈពេលដែលស្ត្រីមានផ្ទៃពោះត្រូវការ៦០០ម៉ៃក្រូក្រាមក្នុងមួយថ្ងៃ។
៤-វីតាមីន C ៖ ចូរញ៉ាំវីតាមីន C ផងនៅពេលដែលអ្នកលេបថ្នាំបំប៉នជាតិដែកដើម្បីជួយជំរុញដល់ការបឺតស្រូបជាតិដែលចូលទៅក្នុងចរន្តឈាម និងបង្កើនការផលិតកោសិកាគ្រាប់ឈាមក្រហមកាន់តែខ្លាំង ។ ការលេបថ្នាំវីតាមីន C ៥០០មីលី្លក្រាមជារៀងរាល់ថ្ងៃជាមួយនឹងថ្នាំជាតិដែកនឹងជួយបង្កើនការបឺតស្រូបជាតិដែលទៅក្នុងរាងកាយកាន់តែមានប្រសិទ្ធភាព ។ យ៉ាងណាមិញ ចូរប្រុងប្រយ័ត្នផងពេលដែលលេបថ្នាំជាតិដែកច្រើន ព្រោះវាអាចបង្កគ្រោះថ្នាក់ដល់រាងកាយបាន ។
៥-វីតាមីន A ៖ វីតាមីន A ជួយទ្រទ្រង់ដល់កោសិកាមេដើម្បីបង្កើតជាកោសិកាគ្រាប់ឈាមក្រហមក្នុងខួរឆ្អឹង តាមរយៈជួយឲ្យប្រាកដថា ការផលិតរបស់កោសិកាគ្រាប់ឈាមក្រហមមានការចូលរួមរបស់ជាតិដែកគ្រប់គ្រាន់សម្រាប់បង្កើតជាអេម៉ូគ្លូបីន។ ដំឡូងជ្វា ការ៉ុត បន្លែពណ៌បៃតង ម្ទេសប្លោកក្រហម និងផ្លែឈើដូចជា ផ្លែឪឡឹក សុទ្ធតែសម្បូរវីតាមីន A។ សម្រាប់តម្រូវការប្រចាំថ្ងៃវិញ ស្ត្រីគឺ ៧០០ម៉ៃក្រូក្រាម និងបុរស៩០០ម៉ៃក្រូក្រាម(ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ