រាជធានីភ្នំពេញ ៖ មកពីធ្វើការទុកម៉ូតូមុខបន្ទប់ជួលជាន់ទី២ ហើយជាប់រវល់មកផឹកស៊ីនៅជាន់ខាងក្រោម រួចឡើងទៅវិញ ស្រាប់តែម៉ូតូត្រូវចោរលួចបាត់បង្កឱ្យមានការភ្ញាក់ផ្អើរកាលពីម៉ោង១១និង៣០នាទីយប់ ថ្ងៃទី០១ មិថុនា ២០១៩ នៅបន្ទប់ជួលជាន់ទី២ ភូមិព្រៃទា សង្កាត់ចោមចៅ០៣ ខណ្ឌពោធិ៍សែនជ័យ។
ម្ចាស់ម៉ូតូខាងលើឈ្មោះ វ៉ាន់ ដន អាយុ៣៣ឆ្នាំ មុខរបរជាងសំណង់ ស្នាក់នៅបន្ទប់ជួលទីតាំងកើតហេតុ មានស្រុកកំណើតភូមិតាអុង ឃុំល្វែងឫស្សី ស្រុកជីក្រែក ខេត្តសៀមរាប។
ប្រភពពីដើមបណ្តឹងឲ្យដឹងថា មុនកើតហេតុ ក្រោយពីត្រឡប់មកពីធ្វើការគាត់បានទុកម៉ូតូរបស់គាត់ម៉ាកឌ្រីមសង់ សេ១២៥ ពណ៌ខ្មៅ ស៊េរី២០១៨ ពាក់ស្លាកលេខភ្នំពេញ1GX-
9480 នៅមុខបន្ទប់ជួលជាន់ទី២ ហើយបានមកអង្គុយផឹកស៊ីនៅបន្ទប់មិត្តភក្តិជាន់ផ្ទាល់ដី លុះឈប់ផឹក ក៏ឡើងទៅដេកវិញ ស្រាប់តែឃើញបាត់ម៉ូតូ ទើបភ្ញាក់ផ្អើលតែម្តង។
ក្រោយកើតហេតុ ម្ចាស់ម៉ូតូបានត្រឹមមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាល សង្កាត់ចោមចៅ៣ សុំឱ្យសមត្ថកិច្ចជួយធ្វើការស្រាវជ្រាវ និងស្វែងរកជនសង្ស័យមកទទួលទោសតាមផ្លូវច្បាប់៕ (កែសម្រួលដោយ ៖ បុប្ផា)
ចែករំលែកព័តមាននេះ