ចិនបានក្លាយជាប្រធានបទចោទសួរមួយនៅជប៉ុន នៅពេលដែលសម្តេចតេជោ ហ៊ុន សែន បំពេញទស្សនកិច្ចនៅទីនេះ ហើយចូលរួមវេទិកាមួយស្តីពីអនាគតអាស៊ីឆ្នាំ២០១៩ ដែលរៀបចំដោយក្រុមហ៊ុននីកេ ( Nikkei) របស់ជប៉ុន…
ចិនបានក្លាយជាប្រធានបទចោទសួរមួយនៅជប៉ុន នៅពេលដែលសម្តេចតេជោ ហ៊ុន សែន បំពេញទស្សនកិច្ចនៅទីនេះ ហើយចូលរួមវេទិកាមួយស្តីពីអនាគតអាស៊ីឆ្នាំ២០១៩ ដែលរៀបចំដោយក្រុមហ៊ុននីកេ ( Nikkei) របស់ជប៉ុន ។
បំណុលចិន ឥទ្ធិពលរបស់ចិន និងសង្គ្រាមពាណិជ្ជកម្មរវាងចិន និងអាមេរិកបានក្លាយជាប្រធានបទជជែកដេញដោល និងចោទសួរសម្តេចតេជោ និងលោកមហាធៀរនាយករដ្ឋមន្ត្រីប្រទេសម៉ាឡេស៊ី ។ នេះបើតាមសេចក្តីរាយការណ៍ព័ត៌មានរបស់ Nikkei Asian Review ។
នៅក្នុងឱកាសនោះសម្តេចតេជោបានមានប្រសាសន៍ថា កម្ពុជាមិនបានធ្លាក់ក្នុងអន្ទាក់បំណុលរបស់ចិនទេ ហើយចិនក៏មិនបានលូកដៃចូលជ្រៅធ្វើអោយប៉ះពាល់ដល់ឯករាជ្យភាព និងអធិបតេយ្យរបស់កម្ពុជាឡើយ ។ ចិនមិនបានប្រាប់កម្ពុជាត្រូវធ្វើនេះ ឬធ្វើនោះឡើយ ។
ចំពោះសង្គ្រាមពាណិជ្ជកម្មរវាងចិន និងអាមេរិកសម្តេចថា ការកើនឡើងនៃជម្លោះនេះអាចនឹងធ្វើអោយប៉ះពាល់ដល់ការរីកចម្រើនរបស់សេដ្ឋកិច្ចតូចៗ ដែលពឹងផ្អែកលើពាណិជ្ជកម្មសេរី ។
ចំណែកលោកមហាធៀវិញបានលើកឡើងថា ម៉ាឡេស៊ីនឹងនៅតែបន្តប្រើទូរស័ព្ទ និងបច្ចេកវិទ្យារបស់Huawei ។ លោកបានសរសើរដល់បច្ចេកវិទ្យា Huawei ហើយចោទសួរដល់ចេតនារបស់អាមេរិកនៅក្នុងការប្រឆាំងចំពោះក្រុមហ៊ុនយក្សមួយនេះរបស់ចិន ៕ កែសម្រួលដោយ ៖ សុឃាក់
ចែករំលែកព័តមាននេះ