អយស្ទ័រគឺជាប្រភពនៃជាតិប្រូតេអុីនប្រកបដោយគុណភាពខ្ពស់ដ៏ឆ្លាតវៃមួយប្រភេទ ដោយសាច់អយស្ទ័រ១០០ក្រាមអាចផ្តល់ជាជីវជាតិមួយនេះរហូតដល់៧ក្រាមឯណោះ។ វាក៏ផ្ទុកទៅដោយប្រភេទប្រូតេអុីនមួយពេញលេញដែរ មានន័យថាវាផ្ទុកទៅដោយអាស៊ីតអាមីណេសំខាន់ៗទាំងប្រាំបួនដែលរាងកាយត្រូវការ ។
ការបន្ថយប្រភពប្រូតេអ៊ីនក្នុងរបបអាហារ និងអាហារសម្រន់អាចជួយជំរុញឲ្យមានអារម្មណ៍ឆាប់ឆ្អែត និងជួយដល់ការសម្រកទម្ងន់បានទៀត ។
អាហារសម្បូរប្រូតេអ៊ីននឹងជួយរក្សាលំនឹងនៃភាពឃ្លាន តាមរយៈការបង្កើនអ័៊រម៉ូនជំរុញដល់ការឆាប់ឆ្អែតដូចជា Peptide YY និង Cholecystokinin (CCK) ។ របបអាហារមានជាតិប្រូតេអុីនខ្ពស់មានប្រសិទ្ធភាពក្នុងការសម្រកទម្ងន់ និងសម្រកទម្ងន់បានល្អជាងរបបអាហារមានជាតិខ្លាញ់ទាប និងកាបូអ៊ីដ្រាតខ្ពស់ទៅទៀត ។
ការដែលមានរបបអាហារមានជាតិប្រូតេអុីនខ្ពស់ ក៏មានប្រយោជន៍ដល់ការគ្រប់គ្រងជាតិស្ករក្នុងឈាមដែរ ជាពិសេសអ្នកជំងឺទឹកនោមផ្អែមតែម្តង ។ តាមការរំលឹកឡើងវិញនៃការសិក្សាចំនួន៩ បានបញ្ជាក់ថា របបអាហារមានជាតិប្រូតេអុីនខ្ពស់ អាចបញ្ចុះកម្រិត Hemoglobin A1c បានយ៉ាងគួរឲ្យកត់សម្គាល់។ Hemoglobin A1c គឺជាសារធាតុសម្គាល់មួយនៃជាតិស្ករក្នុងឈាម លើមនុស្សពេញវ័យដែលមានជំងឺទឹកនោមផ្អែម ។
ក្រៅពីនេះរបបអាហារមានជាតិប្រូតេអ៊ីនខ្ពស់ប្រហែលជាបន្ថយការប្រឈមនឹងជំងឺបេះដូងបាន ជាពិសេសអ្នកដែលមានជំងឺទឹកនោមផ្អែមប្រភេទទី២តែម្តង ។ សម្រាប់អ្នកដែលមានជំងឺទឹកនោមផ្អែមដែលញ៉ាំអាហារមានជាតិប្រុតេអុីនខ្ពស់ ក៏ជួយបន្ថយចំនួនខ្លាញ់ Triglycerides ផងដែរ(ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ