បេះដូងរីកធំ គឺជាជំងឺមួយប្រភេទដែលមានជាប់ទាក់ទងនឹងបញ្ហានៅបេះដូងជាច្រើន។ ខណៈពេលដែលវាច្រើនតែមិនានអាការផ្ទាល់ជាច្រើនដែលជាប់ទាក់ទងនឹងការរីកធំរបស់បេះដូងក៏ដោយ តែអ្នកអាចនឹងមានអាការដូចជា ពិបាកដកដង្ហើម បេះដូងលោតមិនទៀង និងឡើងទម្ងន់ ឬហើមជើងជាដើម ។ អាការដែលអ្នកគួរតែខ្វល់ខ្វាយបន្ថែម…
បេះដូងរីកធំ គឺជាជំងឺមួយប្រភេទដែលមានជាប់ទាក់ទងនឹងបញ្ហានៅបេះដូងជាច្រើន។ ខណៈពេលដែលវាច្រើនតែមិនានអាការផ្ទាល់ជាច្រើនដែលជាប់ទាក់ទងនឹងការរីកធំរបស់បេះដូងក៏ដោយ តែអ្នកអាចនឹងមានអាការដូចជា ពិបាកដកដង្ហើម បេះដូងលោតមិនទៀង និងឡើងទម្ងន់ ឬហើមជើងជាដើម ។ អាការដែលអ្នកគួរតែខ្វល់ខ្វាយបន្ថែម ព្រោះវាអាចជាប់ទាក់ទងនឹងការរីកធំរបស់បេះដូងហើយ៖
១-ការពិបាកដកដង្ហើម ៖ បេះដូងដែលរីកធំមិនអាចកន្ត្រាក់បានល្អដូចបេះដូងធម្មតាឡើយ ។ ដោយសារតែបេះដូងមិនអាចច្របាច់បានល្អ ដូច្នេះវានឹងច្រាលទឹកទៅក្នុងសួត ដែលជាហេតុនាំឲ្យពិបាកដកដង្ហើម ឬដកដង្ហើមបាន ខ្លីៗ ។ អ្នកប្រហែលជាយល់ថាពិបាកក្នុងការហាត់ប្រាណ ឬអាចឧស្សាហ៍ភ្ញាក់ពីគេងនៅពាក់កណ្តាលយប់ផង ។
២-ហើម ៖ ការហើមរាងកាយដោយសារតែការចាលជាតិទឹក គឺជារឿងដែលកើតជាញឹកញាប់ដែលជាប់ទាក់ទងនឹងការរីកធំរបស់បេះដូង ។ វាកើតឡើងជាមួយគ្នានឹងការពិបាកដកដង្ហើមដែរ។ ការហើមនេះនឹងធ្វើឲ្យចរន្តឈាមរត់មិនបានល្អ ជាពិសេសសួត ពោះ និងជើងតែម្តង ។ ការហើមជើងគឺជារឿងដែលកើតឡើងញឹកញាប់បំផុតនៅពេលបេះដូងរីកធំ ។
៣-បេះដូងលោតខុសចង្វាក់ ៖ បើសិនជាអ្នកអាចមានអារម្មណ៍ថា បេះដូងហាក់បីដូចជាលោតលឿនជាងធម្មតា ឬយឺតជាងធម្មតា មានន័យថាបេះដូងលោតខុសចង្វាក់ហើយ ។ រឿងនេះអាចមិនបង្កគ្រោះថ្នាក់អ្វីឡើយ តែវាក៏អាចជារឿងគួរឲ្យបារម្ភដែរ ។ អាការនៃបេះដូងលោតខុសចង្វាក់អាចមានដូចជា សន្លប់ បែកញើស ឈឺទ្រូង ពិបាកដកដង្ហើម ញ័រទ្រូងជាដើម ។
៤-ឈឺទ្រូង និងក្អក ៖ ការឈឺទ្រូងច្រើនតែជាអាការទីពីរដែលបង្កឡើងដោយបេះដូងលោតខុសចង្វាក់ ប៉ុន្តែការក្អក និងឈឺទ្រូងគួរតែជារឿងដែលត្រូវយកចិត្តទុកដាក់ជាពិសេសបើសិនជាវាកើតឡើង ព្រោះអ្នកអាចនឹងជិតមានអាការគាំងបេះដូងហើយ ។ បើសិនជាអ្នកកំពុងតែឈឺទ្រូងខ្លាំង ហើយក្អកទៀត ចូរទាក់ទងទៅគ្រូពេទ្យភ្លាម ។ បើសិនជាក្អកមានស្លេស្មច្រើន អ្នកប្រហែលជាអាចជួបបញ្ហាខ្សោយបេះដូង ដែលជាផលវិបាកញឹកញាប់មួយនៃការរីកធំរបស់បេះដូងហើយ ។
៥-អារម្មណ៍អស់កម្លាំង ៖ ការរីកធំរបស់បេះដូង ធ្វើឲ្យកាន់តែពិបាកចំពោះចរន្តឈាមរត់សព្វរាងកាយ ។ បើមិនមានចរន្តឈាមរត់គ្រប់គ្រាន់តែ អ្នកប្រហែលជាចាប់ផ្តើមមានអារម្មណ៍អស់កម្លាំង និងវិលមុខហើយ ។ ការថយចុះនៃការផ្គត់ផ្គង់ឈាមទៅខួរក្បាល វាអាចនាំឲ្យមានអារម្មណ៍អស់កម្លាំង ឬល្ហិតល្ហៃ។ ចូរចាំថាការអស់កម្លាំងអាចជាអាការមួយនៃជំងឺជាច្រើន ហើយក៏មិនមែនមានន័យថាអ្នកមានជំងឺបេះដូងរីកធំដែរ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ