ឯកឧត្តម លឹម គានហោ ណែនាំការពង្រឹងលក្ខណៈបចេ្ចកទេសលើការសាងសង់ច្រាំងទន្លេ
- ភ្នំពេញ
ព្រឹកថ្ងៃពុធ ១១រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែឧសភា ឆ្នាំ…
ព្រឹកថ្ងៃពុធ ១១រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែឧសភា ឆ្នាំ…
ព្រឹកថ្ងៃពុធ ១១រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែឧសភា ឆ្នាំ ២០១៩ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយមអមដំណើរដោយឯកឧត្តម ម៉ៅ ហាក់ និងលោកប្រធានមន្ទីរធនធានទឹកខេត្តកំពង់ចាម បានចុះត្រួតពិនិត្យ និងវាយតម្លៃនូវសកម្មភាពអនុវត្តការងារ សាងសង់ និងការពារច្រាំងទន្លេមេគង្គ នៅខេត្តកំពង់ចាម ដែលចាប់ផ្តើមការងារពីថ្ងៃទី៣០ ខែមីនា ឆ្នាំ២០១៩ កន្លងទៅ។
ការងារកសាងច្រាំងទន្លេនៅមុខទីរួមខេត្តកំពង់ចាមនេះ ក៏ដូចជាការងារនៅចំណុចមួយទៀតនៅឃុំព្រែកដំបង ស្រុកមុខកំពូល ដែលមានការខូចខាតធ្ងន់ធ្ងរ ហើយសុទ្ធសឹងជាថវិកា ជាពិសេសរបស់រាជរដ្ឋាភិបាល ដែលបច្ចុប្បន្នបាននិងកំពុងដំណើរការយ៉ាងសកម្ម។ ដោយឡែកចំពោះការដ្ឋានសាងសង់ច្រាំងទន្លេដែលមានការខូចខាតធ្ងន់ធ្ងរក្នុងរយៈពេលកន្លងទៅនេះលើប្រវែង ១៧០ម៉ែត្រ ដែលតម្រូវឲ្យមានការស្ថាបនាសារជាថ្មី។ ការងាររួមមាន ៖
១-រុះរើសំណង់ចាស់និងសំអាតទីតាំងសារជាថ្មី។
២-រៀបចំសំណង់ច្រាំងសារជាថ្មី ដែលបច្ចុប្បន្នសំរេចបានប្រមាណ ២០%។
ក្នុងដំណើរបេសកកម្មត្រួតពិនិត្យនាពេលនេះ ឯកឧត្តមរដ្ឋមន្ត្រីបានធ្វើការណែនាំជាលក្ខណះបច្ចេកទេសដែលធានាដល់ស្ថេរភាព សំណង់យូរអង្វែងរាប់តាំងពី ៖
-ការសំអាតគ្រឹះសំណង់
-ការចាក់គ្រឹះសំណង់
-ការរៀបចំធ្នឹមបណ្តោយដែលការពារដល់ភាពរអិលចុះក្រោម (Sliding)
-ការគិតគូរម៉ត់ចត់ដល់ពេលរៀបខឿនការពារដោយតម្រូវឲ្យមានការគិតគូរខ្ពស់អំពីជំរាប(Seepage) ដែលដាច់ខាតត្រូវមានរន្ធបង្ហូរជាចំបាច់ (Drain)។ល។
នាឱកាសនោះ ឯកឧត្តមរដ្ឋមន្ត្រី បានធ្វើការកោតសរសើរចំពោះអ្នកបច្ចេកទេសដែលបានខិតខំបំពេញភារកិច្ចរបស់ខ្លួន និងបន្តខិតខំធ្វើយ៉ាងណាអោយសំណង់រួចរាល់ទាន់រដូវទឹកឡើង។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ