ថ្វីបើបព្វជិត និងគ្រហស្ថមានកិច្ចប្រតិបត្តិផ្សេងគ្នាក៏ដោយ ប៉ុន្តែសុទ្ធតែជាអ្នកប្រព្រឹត្តទៅដើម្បីជីវិតថ្លៃថ្នូររស់នៅដោយកិត្តិយសដូចគ្នា ។ ភាពថ្លៃថ្នូររបស់គ្រហស្ថតាំងនៅបានលុះណាតែបុគ្គលនោះជាអ្នកប្រកបការងារត្រឹមត្រូវ ចិញ្ចឹមជីវិតដោយសម្មាអាជីវោ បណ្តុះចិត្តក្នុងការបរិច្ចាគទាន អប់រំកាយវាចាចិត្តឱ្យប្រព្រឹត្តតែក្នុងអំពើសុចរិត និងវៀរចាកអំពើអាក្រក់ចោលទាំងអស់ ទើបបាននាមថា…
ថ្វីបើបព្វជិត និងគ្រហស្ថមានកិច្ចប្រតិបត្តិផ្សេងគ្នាក៏ដោយ ប៉ុន្តែសុទ្ធតែជាអ្នកប្រព្រឹត្តទៅដើម្បីជីវិតថ្លៃថ្នូររស់នៅដោយកិត្តិយសដូចគ្នា ។
ភាពថ្លៃថ្នូររបស់គ្រហស្ថតាំងនៅបានលុះណាតែបុគ្គលនោះជាអ្នកប្រកបការងារត្រឹមត្រូវ ចិញ្ចឹមជីវិតដោយសម្មាអាជីវោ បណ្តុះចិត្តក្នុងការបរិច្ចាគទាន អប់រំកាយវាចាចិត្តឱ្យប្រព្រឹត្តតែក្នុងអំពើសុចរិត និងវៀរចាកអំពើអាក្រក់ចោលទាំងអស់ ទើបបាននាមថា រស់នៅដោយកិត្តិយស ជីវិតមានតម្លៃ ។
ចំណែកអ្នកបួសវិញដើម្បីធ្វើឱ្យជីវិតថ្លៃថ្នូរគួរដល់ការប្រតិបត្តិតាមកិច្ចធម៌វិន័យត្រឹមត្រូវ រក្សាសីលបួនឱ្យបរិសុទ្ធ គោរពឱ្យហ្មត់ចត់ ចៀសឱ្យឆ្ងាយពីអនេសនៈ២១ និងបាបធម៌៥ យកវិន័យជាធំក្នុងការប្រតិបត្តិ ធ្វើចិត្តឱ្យផូរផង់ប្រាសចាកអំពើជាអកុសល កាន់ត្រៃសិក្ខាឱ្យបានខ្ជាប់ខ្ជួន សង្រួមនូវឥន្ទ្រិយទាំង៦មានចក្ខុន្ទ្រិយ(សង្រួមភ្នែក)ជាដើម កុំលោតកញ្ជ្រោលទៅតាមបច្ចេកវិទ្យាទំនើបបែបបច្ចុប្បន្ន នោះជីវិតរបស់អ្នកបួសនឹងបាននាមថារស់នៅដោយសេចក្តីបរិសុទ្ធ ទាំងបរិបូណ៌ដោយបញ្ញា ។
ចែករំលែកព័តមាននេះ