ខេត្តពោធិ៍សាត់ ៖ នៅថ្ងៃទី២៦ ខែឧសភា ឆ្នាំ២០១៩នេះ សមត្ថកិច្ចនគរបាលស្រុកក្រគរបានចុះបង្ក្រាបគ្រឿងញៀនផ្ទះមួយកន្លែង ស្ថិតក្នុងភូមិថ្គោលធំ ឃុំអន្លង់ត្នោត ស្រុកក្រគរ រកឃើញថ្នាំញៀនចំនួន៣៤កញ្ចប់…
ខេត្តពោធិ៍សាត់ ៖ នៅថ្ងៃទី២៦ ខែឧសភា ឆ្នាំ២០១៩នេះ សមត្ថកិច្ចនគរបាលស្រុកក្រគរបានចុះបង្ក្រាបគ្រឿងញៀនផ្ទះមួយកន្លែង ស្ថិតក្នុងភូមិថ្គោលធំ ឃុំអន្លង់ត្នោត ស្រុកក្រគរ រកឃើញថ្នាំញៀនចំនួន៣៤កញ្ចប់ ក្នុងនោះធំ០១កញ្ចប់ស្មើនឹងទម្ងន់១៥,៦០ក្រាម ជញ្ជីងថ្លឹង០១ អាវុធកែច្នៃ០៤ដើម និងស្លាកលេខម៉ូតូ០១សន្លឹក (កំពង់ធំ ១B-៥០៦៧) ព្រមទាំងឃាត់ខ្លួនម្ចាស់ផ្ទះឈ្មោះ ធុន ចាន់ថុល ភេទប្រុស អាយុ៣៤ឆ្នាំផងដែរ ។
សមត្ថកិច្ចឲ្យដឹងទៀតថា កាលពីថ្ងៃទី២៤ នៅក្រុងពោធិ៍សាត់ បានឃាត់ខ្លួនជនសង្ស័យចំនួន០២នាក់ ដកហូតគ្រឿងញៀនបាន០២កញ្ចប់ធំ និង០២កញ្ចប់តូច ។
ដោយឡែកនៅថ្ងៃទី២៥ សមត្ថកិច្ចនគរបាលស្រុកភ្នំក្រវាញក៏បានឃាត់ខ្លួនជនសង្ស័យចំនួន០២នាក់ទៀតរួមជាមួយវត្ថុតាងថ្នាំញៀន០២កញ្ចប់តូច ដាវ០១ និងអាវុធកែច្នៃ០១ដើម ។
សរុបទាំង០៣ថ្ងៃនេះសមត្ថកិច្ចខេត្តពោធិ៍សាត់ឃាត់ខ្លួនមុខសញ្ញាចែកចាយ និងប្រើប្រាស់គ្រឿងញៀនបានចំនួន០៥នាក់ ដែលដកហូតថ្នាំញៀនបាន៣៩កញ្ចប់តូច ០៣កញ្ចប់ធំ ជញ្ជីងថ្លឹង០១ ស្លាកលេខម៉ូតូ០១ ដាវ០១ និងអាវុធកែច្នៃចំនួន០៥ ។ មុខសញ្ញា និងវត្ថុតាងខាងលើសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី ៕ កែសម្រួលដោយ ៖ សុឃាក់
ចែករំលែកព័តមាននេះ