រាជធានីភ្នំពេញ ៖ បុរសម្នាក់ជាជនជាតិបរទេសមិនស្គាល់អត្តសញ្ញាណនោះទេ កំពុងតែដើរចុចទូរស័ព្ទដៃតាមផ្លូវ ត្រូវបានជនសង្ស័យ២នាក់ ធ្វើសកម្មភាពឆក់ទូរស័ព្ទដៃបានសម្រេចហើយបំរុងរត់គេចខ្លួន ត្រូវបានសមត្ថកិច្ចប៉ុស្តិ៍ផ្សារកណ្តាល១ ឃាត់ខ្លួនបានម្នាក់ ហើយម្នាក់ទៀតរត់គេចខ្លួនបាត់ស្រមោល ហេតុការណ៍នេះបានកើតឡើង កាលពីវេលាម៉ោង១០យប់ថ្ងៃទី១៩ ខែឧសភា ឆ្នាំ២០១៩ តាមបណ្តោយផ្លូវព្រះស៊ីសុវត្ថិកែងផ្លូវ១១៨ នៅចំណុចមាត់ទន្លេស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ ។
តាមប្រភពព័ត៌មានពីសាក្សីដែលឃើញការណ៍បានអោយដឹងថា មុនពេលកើតហេតុនៅវេលាម៉ោងកើតហេតុខាងលើនេះ មានជនជាតិបរទេសម្នាក់មិនស្គាល់អត្តសញ្ញាណនោះទេ កំពុងតែដើរចុចទូរស័ព្ទដៃមួយគ្រឿងមិនស្គាល់ម៉ាកដើរតាមបណ្តោយផ្លូវព្រះស៊ីសុវត្ថិក្នុងទិសដៅពីត្បូងទៅជើង ខណៈពេលដើរបើកមកដល់ចំណុចកើតហេតុខាងលើនេះក៏ស្រាប់តែលេចមុខជនសង្ស័យចំនួន២នាក់ម្នាក់ មានឈ្មោះសេង រតនៈ ភេទប្រុស អាយុ១៨ឆ្នាំ ស្នាក់នៅម្តុំផ្សាររង្វង់ផ្សារដើមថ្កូវ សង្កាត់ផ្សារដើមថ្កូវ ខណ្ឌចំការមន និងម្នាក់ទៀតមានឈ្មោះអា ម៉ាប់ ភេទប្រុស អាយុជាង២០ឆ្នាំ ជិះម៉ូតូធ្វើសកម្មភាពមួយគ្រឿងម៉ាកហុងដាឌ្រីម ពណ៌ខ្មៅ សេរី២០១៦ បើកបរតាមបណ្តោយផ្លូវព្រះស៊ីសុវត្ថិទិសដៅពីត្បូងទៅជើងរួចឆ្លៀតឱកាសជនរងគ្រោះកំពុងតែចុចទូរស័ព្ទដៃក៏ត្រូវជនសង្ស័យធ្វើសកម្មភាពឆក់ទូរស័ព្ទដៃពីជនរងគ្រោះមិនបានសម្រេច ហើយបំរុងនឹងបើករត់គេចខ្លួន សំណាងល្អហើយដែលមានសមត្ថកិច្ចប៉ុស្តិ៍ផ្សារកណ្តាល១ កំពុងតែល្បាតនៅក្នុងមូលដ្ឋានក៏ប្រដេញចាប់តាមពីក្រោយធ្វើអោយជនសង្ស័យភ័យស្លុនស្លោពេកក៏ជិះទៅបុករថយន្តមួយគ្រឿងម៉ាកឡិចស៊ីស 330 បណ្តាលអោយដួល ហើយរួចខ្លួនម្នាក់នឹងម្នាក់ឃាត់ខ្លួនបានភ្លាមៗយកទៅសួរនាំនៅប៉ុស្តិ៍ផ្សារកណ្តាល១ ។
ក្រោយមកក៏ជនសង្ស័យមានឈ្មោះដូចខាងលើនេះនិយាយប្រាប់សមត្ថកិច្ចថា ខ្លួនជាមួយមិត្តភក្តិបានចេញមកពីម្តុំគីឡូលេខ៧ ចេញពីផ្ទះម្តាយធម៌ ហើយគោលបំនងជិះទៅផឹកស្រាក្រឡុកនៅម្តុំក្រោយវាំង លុះពេលដែលកើតហេតុក៏មិត្តភក្តិម្នាក់បបួលអោយឆក់ទូរស័ព្ទដៃ ប៉ុន្តែខ្លួនអត់ដឹងថា អ្នកឌុបឆក់នោះទេ ។ក្រោយពេលកើតហេតុជនរងគ្រោះជនជាតិបរទេសក៏បានដាក់ពាក្យបណ្តឹងនៅប៉ុស្តិ៍ផ្សារកណ្តាលទី១ ដើម្បីអោយសមត្ថកិច្ចកសាងសំណុំរឿងជនសង្ស័យទៅតាមនីតិវិធី ៕
ចែករំលែកព័តមាននេះ