ចាប ចំរើនតុលា នៅតែប្រកាន់ជំហរថែរក្សាតម្លៃនៃសិល្បៈបុរាណ បើទោះបីសិល្បៈនេះមិន អាចរកចំណូលបានខ្ពស់ដូចសិល្បៈសម័យក៏ដោយ។ ចាប ចំរើនតុលា បានអះអាងថា ពួកយើងជាអ្នករបាំបុរាណ។ ការងារយើងមិនអាចរកចំណូលខ្ពស់ដូចអ្នកដទៃ…
ចាប ចំរើនតុលា នៅតែប្រកាន់ជំហរថែរក្សាតម្លៃនៃសិល្បៈបុរាណ បើទោះបីសិល្បៈនេះមិន អាចរកចំណូលបានខ្ពស់ដូចសិល្បៈសម័យក៏ដោយ។ ចាប ចំរើនតុលា បានអះអាងថា ពួកយើងជាអ្នករបាំបុរាណ។ ការងារយើងមិនអាចរកចំណូលខ្ពស់ដូចអ្នកដទៃ តែយើងមានឆន្ទៈខ្ពស់ក្នុងការចូលរួមថែរក្សា និងបង្ហាញនូវសិល្ប:វប្បធម៌ខ្មែរ។
នាងបន្ថែមថា មានមតិខ្លះលើកឡើងថា ធ្វើការផ្នែករាំចឹងគ្មានបានប៉ុន្មានទេ រាំបានតិចតួចចឹង កាលណាមាននឹងគេ។ នាងនិយាយថា «ខ្ញុំក៏ចង់មានដែរ តែខ្ញុំមិនបានយកជំនាញសិល្បៈនេះមកធ្វើជំនួញដើម្បីតែភាពមានបាននោះទេ។ រាំដោយសារស្រលាញ់ និងបានជួបជុំគ្នាតែប៉ុណ្ណោះ» ។
នាងបញ្ជាក់ថា របាំបុរាណជាសម្បត្តិជាតិយើង។ អ៊ីចឹងហើយអ្វីដែលនាងអាចធ្វើបាន គឺមានតែបន្តថែរក្សាទេ។ រាំហើយថតរូបទុកឱ្យក្មេងជំនាន់ក្រោយមើល ខ្លាចតែពេលវេលាខាងមុខទៅគ្មានកូនចៅគេស្គាល់។ យូរៗទៅស្គាល់ច្បាស់តែសិល្បៈបរទេស។
បើតាម ចាប ចំរើនតុលា ដើម្បីថែរក្សាសិល្បៈវប្បធម៌ទាំងអស់គ្នាបាន មិនចាំបាច់ទាល់តែចេះរាំទេ ព្រោះឃើញមតិខ្លះរបស់ប្រជាជនខ្មែរយើងនិយាយថា «ថែម៉េចបាន បើខ្ញុំមិនចេះរាំផង»។ តាមពិតទៅមិនមានន័យថា អ្នកថែរក្សាគឺត្រូវតែចេះរាំដាច់ខាតនោះទេ។ ការស្វែងយល់ ផ្តល់តម្លៃ យល់ពីសារៈសំខាន់ និងផ្សព្វផ្សាយបន្ត ទាំងនេះគឺជាការចូលរួមក្នុងការថែរក្សារវប្បធម៌សិល្បៈខ្មែរយើង។ កុំដេកចាំគេមកឱ្យតម្លៃយើង តែយើងទេត្រូវឱ្យតម្លៃខ្លួនឯងមុន៕
ចែករំលែកព័តមាននេះ