រាជធានីភ្នំពេញ៖ តារាចម្រៀងមាស សុខសោភា បានទៅប្រទេសកាណាដាប្រមាណជិត១ខែមកហើយ ។ ដំណើរទៅកាន់ក្រៅប្រទេសលើកនេះគឺជាដំណើរវែងខុសពីកន្លងទៅ ធ្វើឲ្យមានការងឿងឆ្ងល់ថា តើហេតុអ្វីបានជានាងទៅចោលការងារក្នុងស្រុកដ៏កាក់កបយូរបែបនេះ ? មាស សុខសោភា ទៅក្រៅប្រទេសយូរបែបនេះ នាងបានលើកហេតុផលថា ទៅសម្តែងឲ្យអស់ចិត្តជូនអ្នកក្រៅស្រុក ហើយយកឱកាសដើរលេងសម្រាកកាយខ្លះដ្បិតមមាញឹកច្រើនឆ្នាំមកហើយ ។ ទោះបីនាងកាក់កបបែបណាក្តីឆ្លៀតពេលច្រៀងនៅកាណាដា នាងបានលក់នាឡិកា ដោយមានជនរួមជាតិនៅទីនោះជួយគាំទ្រច្រើន ។ លក់ដាច់ធ្វើឲ្យនាងសប្បាយចិត្ត ។
មាស សុខសោភា ទទួលបានការគាំទ្រច្រើនពីជនរួមជាតិខ្មែរនៅកាណាដា ដោយសំបុត្រកម្មវិធីសម្តែងរបស់នាងត្រូវបានគេទិញអស់ បន្ទាប់ពីដាក់លក់តែប៉ុន្មានម៉ោងប៉ុណ្ណោះ ។ ការនិយមចូលចិត្តមាស សុខសោភា នៅប៉ែកអឺរ៉ុបនេះធ្វើឱ្យតារាចម្រៀងថោន រូបនេះ ត្រូវប៉ាន់រកកម្រៃបានច្រើន ។ ជារៀងរាល់ឆ្នាំ សោភា តែងតែឆ្លៀតចេញទៅច្រៀងនៅបរទេស យ៉ាងហោចណាស់ម្តងដែរ ។ នៅក្នុងស្រុក មាស សុខសោភា មានប្រជាប្រិយខ្ពស់ ហើយចេញទៅច្រៀងនៅបរទេសក៏មានការគាំទ្រច្រើនដែរ ។
អ្នកនាំតារាចេញទៅច្រៀងនៅបរទេស បានឱ្យដឹងកាលពីពេល ថ្មីៗកន្លងមកថា មាស សុខសោភា អាចច្រៀងបានគ្រប់ទម្រង់ ពិសេសគឺច្រៀងបទ ពីដើមៗបានយ៉ាងពីរោះ នោះជាកត្តាធ្វើឱ្យនាងមានប្រៀបជាងតារា ផ្សេងៗទៀត ។
អ្វីដែលគួរឲ្យកត់សម្គាល់ មាស សុខសោភា បានប្រកាសជំហរឈប់ច្រៀងបទចម្លងពីបរទេស តែប្រជាប្រិយភាពនាងមិនបានថមថយឡើយ ហើយតម្លៃខ្លួននាងវិញរាប់ពាន់ដុល្លារក្នុងមួយកម្មវិធី ។ នេះមកពីការខិតខំប្រឹងប្រែងរបស់នាងពីមនុស្សស្រីសាមញ្ញាម្នាក់រហូតក្លាយជាកំពូលតារាចម្រៀងល្បីល្បាញម្នាក់៕
ចែករំលែកព័តមាននេះ