ការហើមជើង អាចកើតមានឡើងដែលអាចបណ្តាលមកពីការកើនឡើងនៃសារធាតុរាវនៅក្នុងរាងកាយ ឬមកពីការរលាកនៅក្នុងជាលិកា ឬសន្លាក់ដែលរងរបួស ឬមានជំងឺ ។ មូលហេតុជាច្រើននៃការហើមជើងមានដូចជាការរងរបួស ឬការឈរ ឬអង្គុយយូរពេកដែលមានភាពងាយស្រួលក្នុងការកំណត់ ។…
ការហើមជើង អាចកើតមានឡើងដែលអាចបណ្តាលមកពីការកើនឡើងនៃសារធាតុរាវនៅក្នុងរាងកាយ ឬមកពីការរលាកនៅក្នុងជាលិកា ឬសន្លាក់ដែលរងរបួស ឬមានជំងឺ ។ មូលហេតុជាច្រើននៃការហើមជើងមានដូចជាការរងរបួស ឬការឈរ ឬអង្គុយយូរពេកដែលមានភាពងាយស្រួលក្នុងការកំណត់ ។ ពេលខ្លះ ការហើមជើង អាចជាសញ្ញាមួយនៃជំងឺដ៏ធ្ងន់ជាច្រើនទៀតដូចជាជំងឺបេះដូង ឬបញ្ហាឈាមកកជាដើម ។
ចូរស្វែងរកការថែទាំវេជ្ជសាស្ត្រឲ្យបានឆាប់នៅពេលដែលការហើមជើងកើតឡើងហាក់ដូចជាគ្មានមូលហេតុច្បាស់លាស់ ឬអ្នកមានការពិបាកដកដង្ហើម ឈឺទ្រូង ឬសញ្ញាព្រមានផ្សេងទៀតនៃបញ្ហាឈាមកកក្នុងសួត ឬជំងឺបេះដូងដ៏ធ្ងន់ ។
ស្វែងរកការថែទាំវេជ្ជសាស្ត្របើហើមជើង និងមានរោគសញ្ញាដែលអាចបង្ហាញពីបញ្ហាកំណកឈាមក្នុងសួត ឬជំងឺបេះដូងដ៏ធ្ងន់ដែលមានដូចជា ៖ • ឈឺទ្រូងយូរច្រើនជាងពីរបីនាទី • ពិបាកដកដង្ហើម
• វិលមុខ ដួលសន្លប់ • ការភាន់ច្រលំ ។
សូមរកការថែទាំជាបន្ទាន់ ប្រសិនបើជើងរបស់អ្នកហើម៖ • ដោយគ្មានមូលហេតុច្បាស់លាស់ • ត្រូវបានទាក់ទងទៅនឹងការរងរបួសរាងកាយដូចជាមកពីការដួល ការរងរបួស ឬមានគ្រោះថ្នាក់នានា (ប្រភពពី៖ Health.com.kh) ៕
ចែករំលែកព័តមាននេះ