ខេត្តបាត់ដំបង៖ ជនសង្ស័យចំនួន២នាក់ ដែលពាក់ព័ន្ធនឹងការជួញដូរគ្រឿងញៀន ត្រូវសមត្ថកិច្ចឃាត់
ខ្លួន កាលពីវេលាម៉ោង១០ព្រឹកថ្ងៃទី០៣ ឧសភា ខណ:ដែលកំពុងប្រព្រឹត្តជាក់ស្ដែង នៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ។
លោកឆាង វណ្ណឆៃ អធិការនគរបាលក្រុងបាត់ដំបងបានឲ្យដឹងថា ជនសង្ស័យទាំង២នាក់នោះ ម្នាក់ឈ្មោះឈុំ សាវង្ស ប្រុសអាយុ៤៤ឆ្នាំ ជាមេខ្លោងជួញដូរគ្រឿងញៀន នៅភូមិ-សង្កាត់ខាងលើ និងម្នាក់ទៀតឈ្មោះឡាយ សុផល ប្រុសអាយុ៣៩ឆ្នាំ ជាបក្សពួក រស់នៅអូរតាគាំ២ សង្កាត់ទូលតាឯក ក្រុងបាត់ដំបង។ លោកអធិការបានបញ្ជាក់ថា ជនសង្ស័យទាំង២នាក់នេះ ត្រូវកម្លាំងជំនាញរបស់លោកចុះបង្ក្រាបពេលដែលពួកគេកំពុងប្រព្រឹត្តបទល្មើសជាក់ស្ដែង ហើយកម្លាំងជំនាញថែមទាំងដកហូតវត្ថុតាង(យ៉ាម៉ា)ជាច្រើនគ្រាប់ផងដែរ។
យោងតាមរបាយការណ៍បឋមរបស់អធិការក្រុងបាត់ដំបងបានឲ្យដឹងថា ជាមួយនឹងការឃាត់ខ្លួនមុខសញ្ញាជួញដូរគ្រឿងញៀនទាំង២នាក់ខាងលើនេះ កម្លាំងជំនាញដកហូតបានថ្នាំញៀនមេតំហ្វេតាមីនWy (យ៉ា
ម៉ា)ចំនួន៣ថង់ ស្មើនឹងចំនួនជាង៦០០គ្រាប់ និងវត្ថុតាងពាក់ព័ន្ធមួយចំនួនទៀត។ លោកឆាង វណ្ណឆៃ បានបញ្ជាក់ថា ជនសង្ស័យទាំង២នាក់នេះ បានសារភាពទៅទូលស្គាល់វត្ថុតាងដែលដកហូតបានទាំងអស់នោះហើយ ។
លោកថា ពេលនេះ លោកស្នងការខេត្តបានបញ្ជាឲ្យមន្ត្រីជំនាញធ្វើការសួរនាំជនសង្ស័យ ដើម្បីរៀបចំបញ្ជូនទៅកាន់ការិយាល័យជំនាញហើយ ។
ចែករំលែកព័តមាននេះ