រាជធានីភ្នំពេញ ៖ កាលពីព្រឹកថ្ងៃទី៣ ខែឧសភា ឆ្នាំ២០១៩នេះ ក្រសួងព័ត៌មាន និងក្លិបអ្នកកាសែតកម្ពុជាបានប្រារព្ធខួបលើកទី២៦ នៃទិវាសេរីភាពសារព័ត៌មានពិភពលោកឆ្នាំ២០១៩ ក្រោមអធិបតីភាពដ៏ខ្ពង់ខ្ពស់របស់លោក ខៀវ…
រាជធានីភ្នំពេញ ៖ កាលពីព្រឹកថ្ងៃទី៣ ខែឧសភា ឆ្នាំ២០១៩នេះ ក្រសួងព័ត៌មាន និងក្លិបអ្នកកាសែតកម្ពុជាបានប្រារព្ធខួបលើកទី២៦ នៃទិវាសេរីភាពសារព័ត៌មានពិភពលោកឆ្នាំ២០១៩ ក្រោមអធិបតីភាពដ៏ខ្ពង់ខ្ពស់របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ។
និងមានការអញ្ជើញចូលរួមពីលោកSardar Umar Alam តំណាងអង្គការ UNESCORTED ប្រចាំនៅកម្ពុជា និងលោក Andreas Johansson លេខាទី ១ នៃស្ថានទូតស៊ុយអែត ប្រចាំកម្ពុជា ព្រមទាំងថ្នាក់ដឹកនាំក្រសួងសួងព័ត៌មាន មន្ទីរព័ត៌មានរាជធានី ខេត្តទាំង២៥ អង្គការពាក់ព័ន្ធវិស័យសារព័ត៌មាន និងអ្នកសារព័ត៌មាន ក្រៅរដ្ឋាភិបាល សរុបជាង៣០០នាក់បាមកចូលរួម ដោយបានប្រារព្ធធ្វើនៅសណ្ឋារគាររ៉ាហ្វិល ឡឺរ៉ូយាល់ រាជធានីភ្នំពេញ ។
តំណាងយូណេស្កូ និងលេខាស្ថានទូតស៊ុយអែតប្រចាំកម្ពុជា បានលើកឡើងដោយផ្តោតទៅលើការទប់ស្កាត់ព័ត៌មានក្លែងក្លាយ របៀបបំផុស ញុះញង់ អុជអាលនៅលើតាមបណ្តាញសង្គមកាន់ផ្ទាល់ដៃរៀងៗខ្លួន ដែលគ្មានការទទួលខុសត្រូវឡើយ ។
បន្ទាប់មកលោកកឹម គុណវឌ្ឍ បានអានសាររបស់សម្តេចតេជោ ហ៊ុន សែន នាយករដ្ឋមន្ត្រី ក្នុងឱកាសអបអរសាទរទិវា ៣ ឧសភា នេះរួចមក លោករដ្ឋមន្ត្រី ខៀវ កាញារីទ្ធ បានថ្លែងថា ច្បាប់វិសោធនកម្មរបស់អ្នកសារព័ត៌មានបានចេញនៅឆ្នាំ១៩៩៥ អ្នកសារព័ត៌មានត្រូវតែបំភ្លឺរាល់ព័ត៌មានដែលបានផ្សាយខុស ហើយច្បាប់បានពង្រឹងបន្ថែមទៀតចំពោះអ្នកសារព័ត៌មាន ត្រូវតែពង្រឹងបន្ថែមទៀតចំពោះគុណភាព ដើម្បីលើកតម្លៃតាមបែបប្រជាធិបតេយ្យឲ្យកាន់តែមានភាពល្អប្រសើរទៀកំពុងកើតមាននៅកម្ពុជានេះ ហើយពេលនេះត្រូវជម្រុះឲ្យអស់រាល់ចាងហ្វាងការផ្សាយដែលខ្សោយផ្នែកអក្ខរាវិរុទ្ធមិនត្រូវឲ្យកើតមានដូចកាលពី១៥ឆ្នាំមុនទៀតឡើយ និងហាមអ្នកកាសែតដាក់កុងត្រូលជជុះ ។
សំនួរចម្លើយចុងក្រោយ វាគ្មិន៥រូបបានផ្តោតទៅលើការទប់ស្កាត់ព័ត៌មានក្លែងក្លាយ ចៀសវាងការប្តូរបិទព័ត៌មាន ព្រោះតែជួបបញ្ហាថវិកាផ្ទាល់ខ្លួន ជំរុញការបណ្តុះបណ្តាលបន្ថែម ហើយលោកប៉ែន បូណា បានលើកកត្តា៣ជាមូលដ្ឋាននៃសារព័ត៌មានប្រកបដោយសក្តានុពលគឺ១-Smart journalists ២-Smart authority និង៣-Smart citizens គឺមានសម្រាប់អ្នកសារព័ត៌មានត្រូវតែប្រកាន់ខ្ជាប់ទើបមានគុណភាពល្អបន្ថែមទៀត ៕
ចែករំលែកព័តមាននេះ