ស្នេហាកូនស្រីលោកអាណុល កាន់តែផ្អែមល្ហែម
លោកគ្រីស ប្រេត (Chris Pratt) តារាសម្តែងដ៏ល្បីមួយរូប បានបង្ហាញភាពផ្អែមល្ហែមជាមួយនាងឃែតធើរីន ស្វាហ្សេណេហ្គ័រ (Katherine Schwarzenegger) កូនស្រីរបស់លោកអាណុល…
លោកគ្រីស ប្រេត (Chris Pratt) តារាសម្តែងដ៏ល្បីមួយរូប បានបង្ហាញភាពផ្អែមល្ហែមជាមួយនាងឃែតធើរីន ស្វាហ្សេណេហ្គ័រ (Katherine Schwarzenegger) កូនស្រីរបស់លោកអាណុល ស្វាហ្សេណេហ្គ័រ តារាសម្តែងវ័យចំណាស់ ។
ក្រោយពីជួបរឿងសោកសៅក្នុងការបែកបាក់ជាមួយនាងអេនណា ហ្វារីស (Anna Faris) មួយរយៈមក មិនយូរប៉ុន្មានលោកប្រេតក៏បានជួបគូស្នេហ៍ថ្មី គឺនាងឃែតធើរីន ដោយពួកគេបានទៅណាមកណាជាមួយគ្នាយ៉ាងញឹកញាប់ ។
លោកប្រេត និងឃែតធើរីន ស្រឡាញ់គ្នាយ៉ាងខ្លាំង ហើយខាងបុរសសុំភ្ជាប់ពាក្យជាមួយនាង កាលពីដើមឆ្នាំកន្លងទៅ ដោយខាងស្រីបានយល់ព្រមធ្វើឲ្យជីវិតក្នុងពេលបច្ចុប្បន្នរបស់អ្នកទាំង២កំពុងដំណើរការយ៉ាងរលូន ។
មួយរយៈចុងក្រោយនេះជីវិតរបស់អ្នកទាំង២កាន់តែមានលក្ខណៈស្អិតរមួតបន្ថែមទៀត ដោយបានដើរកម្សាន្តលេងនៅក្រុងឡូសអេនចឺឡេស កាលពីថ្ងៃទី១៤ ខែមេសា ឆ្នាំ២០១៩ ប្រកបដោយភាពសប្បាយរីករាយ ៕
ចែករំលែកព័តមាននេះ