រាជធានីភ្នំពេញ៖ អ្នកនាងចន ច័ន្ទលក្ខិណា បានវាយប្រហារបុរសនៅក្រៅស្រុកម្នាក់ ដែលតែងតែរិះគន់ជាបន្តបន្ទាប់លើអ្នកសិល្បៈក្នុងពេលរឿងរ៉ាវអ្នកសិល្បៈផ្សព្វផ្សាយតាមបណ្តាញសារព័ត៌មាននៅក្នុងស្រុក ។ ការរិះគន់ និងការប្រើពាក្យបែបលេបខាយ ផ្សេងៗពីបុរសនោះទៅលើអ្នកសិល្បៈ និងរឿង…
រាជធានីភ្នំពេញ៖ អ្នកនាងចន ច័ន្ទលក្ខិណា បានវាយប្រហារបុរសនៅក្រៅស្រុកម្នាក់ ដែលតែងតែរិះគន់ជាបន្តបន្ទាប់លើអ្នកសិល្បៈក្នុងពេលរឿងរ៉ាវអ្នកសិល្បៈផ្សព្វផ្សាយតាមបណ្តាញសារព័ត៌មាននៅក្នុងស្រុក ។ ការរិះគន់ និងការប្រើពាក្យបែបលេបខាយ ផ្សេងៗពីបុរសនោះទៅលើអ្នកសិល្បៈ និងរឿង ផ្សេងៗដែលកើតមាននៅក្នុងស្រុកខ្មែរ ត្រូវប្រធានសមាគមសិល្បករខ្មែរចន ច័ន្ទលក្ខិណា បង្ហោះតាមហ្វេសប៊ុក ជាមួយនឹងសារវាយបកទៅកាន់បុរសនោះវិញ ។
តាមអ្វីដែលអ្នកនាងចន ច័ន្ទលក្ខិណា បានបង្ហោះ បុរសដែលមានឈ្មោះក្នុងហ្វេសប៊ុកថា Kim Nuon រស់នៅក្រៅប្រទេសបានរិះគន់ស្ទើរមិនដាច់រយៈលើអ្នកសិល្បៈស្រុកខ្មែរ ក៏ដូចជាបញ្ហាសង្គមមួយចំនួនតាមហ្វេសប៊ុករបស់ខ្លួន ។ ទាំងពាក្យសម្តីបែបមើលងាយ និងពាក្យមិនគប្បីមួយចំនួនត្រូវបុរសនោះមិនខ្លាចប៉ះពាល់ដល់សិទិ្ធបុគ្គលមួយណាដែលខ្លួនរិះគន់នោះឡើយ។
ដោយឃើញពីចេតនាអាក្រក់នោះ ក្នុងនាមជាប្រធានសមាគមសិល្បករខ្មែរអ្នកនាងចន ច័ន្ទលក្ខិណា បានវាយបកទៅកាន់បុរសនោះវិញ ។ អ្នកនាងលក្ខិណាបានបង្ហោះសារតាមហ្វេសប៊ុករបស់ខ្លួនថា « ខ្ញុំចង់សួរទៅលោក Kim Noun ជាអ្វី ? ជាមនុស្សខួរអ្វី ? ធ្វើអ្វីខ្លះរាល់ថ្ងៃនេះ ? បានជួយសង្គមខ្មែរអ្វីខ្លះហើយ ? ទំនេរទេ ? បើទំនេរចុះមកខ្មែរមក ខ្ញុំជូនឲ្យទៅជួយអ្នកលំបាក អ្នករងគ្រោះ ផ្សេងៗ ។ ក្នុងAcc មិនដែលនិយាយពីខ្មែរណាល្អ ខ្លួនឯងល្អប៉ុនណា ?
ម្ង៉ៃៗឃើញតែនិយាយដើមគេ និយាយអាក្រក់ពីគេ ខ្លួនឯងធ្លាប់ជួយអ្នកក្រ អ្នកលំបាក អ្នករងគ្រោះណាខ្លះហើយ ? ឬក៏បានត្រឹមតែស្រែកបញ្ជាឲ្យខ្មែរក្នុងស្រុកធ្វើនេះធ្វើនោះតាមចិត្តខ្លួន ? ឃើញតែទើស និងរិះគន់ខ្មែរគ្នាឯងពីខាងក្រៅប្រទេសមកទេ ។ បើខ្លាំងមកជួយសង្គមខ្មែរខ្លះទៅ កុំចេះតែស្រែកវ៉ាសវ៉ូសពីក្រៅមកពេក ។ សូមធ្វើខ្លួនជាប្រុសចរិតប្រុស សម្តីប្រុសខ្លះទៅ កុំធ្វើជាប្រុសមាត់ញី ។ ខ្ញុំដឹងថាអ្នកក្រៅប្រទេសគឺគ្រប់គ្នាគេរវល់ណាស់ មិនដូចអាញីក្រៅប្រទេសម្នាក់នេះទេ ! យីអាញីនេះឃើញតែទើសគេ តែមិនដែលចេះជួយអ្នកណា បងប្អូននៅប្រទេសអូស្ត្រាលីជួយប្រាប់គាត់ផង ល្មមឈប់ដើរផឹកស៊ីស្រែកឡូឡាអាវាសែ ជេរ ស្រីៗទៀតទៅ ។ នេះខ្ញុំផុសតែប៉ុណ្ណឹងទេ នៅមានច្រើនទៀត និយាយរួមក្នុងខួរប្រុសចរិតញីនេះខួរដង្កូវចោះ »។
បន្ទាប់ពីអ្នកនាងចន ច័ន្ទលក្ខិណា បានបង្ហោះសារនោះមក នៅមិនទាន់ឃើញការឆ្លើយតបណាមួយពីKim Nuon វិញឡើយ តែហ្វេសប៊ុករបស់គេនៅបន្តការរិះគន់ជាបន្តបន្ទាប់ទៀត ៕
ចែករំលែកព័តមាននេះ