ខេត្តកំពត ៖ ភ្នំស្ដេចគង់ត្រូវបានអាជ្ញាធរយកភ្នំមួយនេះធ្វើជាគោលមានឃុំបីគឺឃុំស្ដេចគង់ខាងលិច-ឃុំស្ដេចគង់ខាងជើង និងឃុំស្ដេចគង់ខាងត្បូង ឃុំទាំងបីនេះស្ថិតក្នុងស្រុកបន្ទាយមាស ខេត្តកំពត ហើយបច្ចុប្បន្នភ្នំស្ដេចគង់នេះដែលស្ថិតក្នុងឃុំស្ដេចគង់ខាងត្បូង វាជាភ្នំមួយដែលសំបូរទៅដោយថ្មកំបោ កំពុងរងការដាក់រំសេវបំផ្ទុះយកថ្មដោយក្រុមហ៊ុនចិនរួមគ្នាជាមួយថៅកែខ្មែរ ។
ពលរដ្ឋម្នាក់រស់នៅពីខាងកើតភ្នំស្ដេចគង់បាននិយាយប្រាប់អោយដឹងថា ខ្លួនមានការភ័យខ្លាចណាស់ពេលដែលក្រុមហ៊ុនដាក់រំសេវបំផ្ទុះយកថ្មម្ដងៗផ្ទុះលាន់គគ្រើកញ័រដល់ជញ្ជាំងផ្ទះ និងផ្ទះខ្លះក៏ត្រូវបានប្រេះ ។ ពលរដ្ឋរូបនោះនិយាយថា ពេលក្រុមហ៊ុនដាក់បំផ្ទុះពលរដ្ឋឯទៀតបានរត់ចូលក្នុងផ្ទះ ព្រោះមានដុំថ្មហើរពីភ្នំមកធ្លាក់នៅទីប្រជុំជន ។
រីឯពលរដ្មម្នាក់ទៀតនៅខាងជើងភ្នំក៏បាននិយាយប្រាប់អោយអ្នកយកព័ត៏មានដែរថា ខ្លួនពិតជាមានការព្រួយបារម្មដល់កូនៗខ្លាចដុះថ្មហើរខ្ទាតមកត្រូវ ។ ពលរដ្ឋដដែលមានលើកឡើងថារោងចក្រកិនថ្មរបស់ចិនមួយនេះគឺធ្វើអោយពលរដ្ឋជាច្រើនគ្រួសារបានទទួលរងនៅផលប៉ះពាល់ដូចជាដុំថ្មហើរធ្លាក់ និងផ្សែងកំទិចថ្ម និងក្លិនអាក្រក់ទៀតផង ។ ពលរដ្ឋជាច្រើនគ្រួសារទៀតក៏បានសំណូមពរអោយក្រុមហ៊ុនបន្ថយការបំផ្ទុះខ្លះៗកុំអោយលាន់ឮខ្លាំងពេក ។
លោក យី នុយ ជាអ្នកមើលការខុសត្រូវអោយក្រុមហ៊ុនចិនបង្កើតរោងចក្រផលិតថ្មម៉ៅបៀកនិងកិនថ្មគ្រប់ប្រភេទបាននិយាយប្រាប់ថា ខាងបច្ចេកទេសបំផ្ទុះថ្មបានដាក់រំសេវតិចជាងមុនហើយរន្ធខួងសម្រាប់ដាក់រំសេវបំផ្ទុះក៏មានចំនួនតិចជាងមុនដែរ ។
លោកមេភូមិដើមចំរៀកឃុំស្ដេចគង់ខាងលិចក៏បានប្រាប់អោយដឹងថា កន្លមកប្រជាពលរដ្ឋបានចេញមុខមកជំទាស់ម្ដងហើយម្ដងហើយទៀតដល់ក្រុមហ៊ុនរោងចក្រចិនកិនថ្មតែប្រាប់បានត្រឹមតែប្រាប់ក្រោយមកដដែល ហើយអាជ្ញាធរស្រុក និងខេត្តក៏មិនបានចុះមកប្រាប់ដល់មូលដ្ឋានទីតាំងក្រុមហ៊ុនដែរ ៕
ចែករំលែកព័តមាននេះ