Samsung មិនទាន់បានបង្ហាញ Galaxy Fold ផងស្រាប់តែមានបញ្ហាបាត់
ភ្នាក់ងារសារព័ត៌មាន Channel NewsAsia បានឲ្យដឹងកាលពីថ្ងៃទី២២កន្លងមកថា ក្រុមហ៊ុនផលិតស្មាតហ្វូន Samsung Electronics Co Ltd បានពន្យាពេលកម្មវិធីបង្ហាញ…
ភ្នាក់ងារសារព័ត៌មាន Channel NewsAsia បានឲ្យដឹងកាលពីថ្ងៃទី២២កន្លងមកថា ក្រុមហ៊ុនផលិតស្មាតហ្វូន Samsung Electronics Co Ltd បានពន្យាពេលកម្មវិធីបង្ហាញ…
ភ្នាក់ងារសារព័ត៌មាន Channel NewsAsia បានឲ្យដឹងកាលពីថ្ងៃទី២២កន្លងមកថា ក្រុមហ៊ុនផលិតស្មាតហ្វូន Samsung Electronics Co Ltd បានពន្យាពេលកម្មវិធីបង្ហាញ Galaxy Fold ដែលនឹងត្រូវបានប្រារព្ធក្នុងសប្តាហ៍នេះក្នុងប្រទេសសិង្ហបុរី ហុងកុង និងសៀងហៃបន្ទាប់ពីមានសេចក្តីរាយការណ៍ថា ទូរស័ព្ទគំរូមានបញ្ហាមួយចំនួន ។
អ្នកនាំពាក្យម្នាក់របស់ Samsung បាននិយាយក្នុងអ៊ីមែលប្រាប់ដល់សារព័ត៌មានខាងលើថា Samsung កំពុងតែប្រើប្រាស់ពេលវេលាបន្ថែមដើម្បីធានាថាទូរស័ព្ទ Galaxy Fold អាចដំណើរការបានរលូនក្នុងកម្មវិធីបន្ទាប់ពីទទួលបានមតិយោបល់ពីក្រុមត្រួតពិនិត្យមួយចំនួនមក ។
ក្រុមហ៊ុននេះទទួលបានការរិះគន់ជាច្រើនពីអ្នកសារព័ត៌មានបច្ចេកវិទ្យាទាក់ទិននឹងការខូចបាក់បែក និងស្គ្រីនដែលដំណើរការមិនរលូនបន្ទាប់ពីប្រើទូរស័ព្ទនេះបានរយៈពេលមិនដល់មួយថ្ងៃផង។ Samsung បាននិយាយថា ពួកគេទទួលបានសេចក្តីរាយការណ៍មួយចំនួនទាក់ទិននឹងការបាក់បែកស្គ្រីនទូរស័ព្ទគំរូដែលមានតម្លៃ ១,៩៨០ដុល្លារនេះ ។
Samsung បានអួតអាងពីការច្នៃម៉ូដបត់បែននេះជាយូរមកហើយដែលបានទាក់ទាញចំណាប់អារម្មណ៍ជាច្រើនក្នុងវិស័យស្មាតហ្វូនដែលមិនមានការផ្លាស់ប្តូរច្រើនតាំងពីឆ្នាំ ២០០៧ ដែលជាពេល Apple ចេញលក់ iPhone ដំបូង ។ ដៃគូប្រកួតប្រជែងរបស់ Samusng គឺ Huawei Technologies Co Ltd ក៏បានប្រកាសពីទូរស័ព្ទដែលអាចបត់បែនបានរបស់ខ្លួនដែលមានឈ្មោះថា Mate X ដែរ ។
បុគ្គលិកមួយរូបរបស់ Samsung បាននិយាយកាលពីថ្ងៃច័ន្ទមកថា ក្រុមហ៊ុនកំពុងតែស៊ើបអង្កេតយ៉ាងដិតដល់ទាក់ទិននឹងសេចក្តីរាយការណ៍ខាងលើ ហើយមិនបានផ្តល់ព័ត៌មានបន្ថែមទាក់ទិននឹងកាលបរិច្ឆេទដាក់លក់លើទីផ្សារអាមេរិកទេ ។ ក្រុមហ៊ុននេះមានគម្រោងចាប់ផ្តើមការលក់ Galaxy Fold ក្នុងកូរ៉េខាងត្បូង និងអ៊ឺរ៉ុបនាខែឧសភាខាងមុខនេះ ខណៈដែលនឹងចាប់ផ្តើមការលក់ក្នុងប្រទេសចិនបន្ទាប់ ៕
ចែករំលែកព័តមាននេះ