រាជធានីភ្នំពេញ ៖ តាមសេចក្តីរាយការណ៍ឱ្យដឹងបន្តថា ស្ត្រីជនជាតិចិន៣នាក់ក្នុងចំណោម៥នាក់ ដែលចាប់់ជាចំណាប់ខ្មាំងដោយជនជាតិចិនដូចគ្នានោះ ត្រូវបានក្រុមអ្នកចាប់ដោះលែងឱ្យត្រឡប់មកវិញហើយ កាលពីវេលាម៉ោង៥និង៣០នាទីទៀបភ្លឺ ឈានចូលថ្ងែទី២១ មេសា ស្ថិតនៅលើទឹកដីខេត្តកំពត ។
គួររំលឹកថា ៖ យី! ចាប់ពួកនាងជាចំណាប់ខ្មាំងហើយ ថែមទាំងបំពានលើពួកនាងទៀត
នារីរងគ្រោះទាំង៣នាក់ខាងលើនោះ ១-ឈ្មោះ Xiang kai pi អាយុ២៣ឆ្នាំ ។ ២-ឈ្មោះ Chen Si hong អាយុ២៥ឆ្នាំ ។ ៣-ឈ្មោះ Huang Shuang Giong អាយុ២៧ឆ្នាំ ។ ចំណែក២នាក់ទៀតមិនទាន់ដោះលែងគឺម្នាក់ឈ្មោះ Peng Lin hui អាយ២៣ឆ្នាំ និងម្នាក់ទៀតឈ្មោះ Hua Na អាយុ២៣ឆ្នាំ ។ ពួកគេសុទ្ធតែជាស្ត្រីបម្រើខារ៉ាអូខេតុងហ្វាំងម៉េងជូដូចគ្នា ។
តាមសេចក្តីរាយការណ៍បន្តថា កាលពីយប់ថ្ងៃទី២០ មេសា បុរសជាជនជាតិចិន១ក្រុម មានគ្នា៥នាក់ បានប្រើល្បិចនាំនារីជនជាតិចិន៥នាក់ចេញពីហាងបាយឈ្មោះ ថាង ទីង ស្ថិតនៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ ពេលនោះជនសង្ស័យបានប្រាប់ពួកនាងថា នាំទៅច្រៀងខារ៉ាអូខេនៅហាងតុងហ្វាំងម៉េងជូ ។
តាមការរៀបរាប់របស់ស្ត្រីដែលបានដោះលែងមកវិញនិយាយថា ពួកនាងជិះរថយន្តម៉ាកហ៊ីយ៉ាន់ដាយ ពណ៌ខ្មៅ គ្មានផ្លាកលេខ ត្រូវបានគេដឹកពួកនាងចេញពីភ្នំពេញឡើងភ្នំមួយ ដែលពួកគេមិនស្គាល់ រួចបានធ្វើសកម្មភាពគំរាមកំហែង ដកយកប្រាក់ពួកនាងអស់ពីខ្លួនសរុបជាង៤.០០០ដុល្លារអាមេរិក ។
ជាងនេះទៀតជនទាំងនោះបានបង្ខំលើរូបរាងកាយដោយរំលោភសេពសន្ថវៈពួកនាងនៅក្នុងរថយន្តដោយចតនៅក្បែរស្រះទឹកមួយ ។ ចំណែកឈ្មោះ Huang Shuang Giong មិនត្រូវបានរំលោភទេ ។ នៅពេលជនទាំងនោះដឹកពួកនាងទៅដល់ក្រុងកំពត វេលាម៉ោងប្រមាណជា៥ភ្លឺ ក្រុមទាំងនោះបានទាញពួកនាង៣នាក់នេះទម្លាក់ចុះឱ្យទៅណាទៅៗ ។ ចំណែកនារី២នាក់ទៀត កំពុងស្ថិតក្នុងកណ្តាប់ដៃឧក្រិដ្ឋជននៅឡើយទេ រហូតមកដល់រសៀសថ្ងៃទី២១ មេសា ។
ចែករំលែកព័តមាននេះ