តាមប្រភពពី Shanghaiist បានឱ្យដឹងថា បុរសជនជាតិអាមេរិកម្នាក់ ដែលបានបង្ខំឱ្យនារីអាកាសចរតៃវ៉ាន់ជូតគូថឱ្យក្រោយពេលបន្ទោរបង់កាលពីខែមករាដើមឆ្នាំ គាត់បានស្លាប់នៅក្នុងប្រទេសថៃ ។ ក្រោយពីមានការចុះផ្សាយម្តងមកហើយ ដែលបុរសខាងលើដែលមានទម្ងន់២០០គីឡូក្រាម បានកក់សំបុត្រម្តងទៀតកាលពីចុងខែមករា ដើម្បីជិះទៅតៃប៉ិ ពីទីក្រុងបាងកកនៅខែឧសភា តាមក្រុមហ៊ុនអាកាសចរណ៍ដដែល ។
ប៉ុន្តែនៅពេលថ្មីៗនេះ មេធាវីរបស់គាត់ក៏បានមកប្រាប់ខាងក្រុមហ៊ុនអាកាសចរណ៍ ឱ្យដកការកក់ចេញ ដោយសារតែគាត់បានស្លាប់ កាលពីខែមីនា នៅលើកោះ Ko Samui ដោយរោគាពាធ ។ ខាងក្រុមហ៊ុនបានធ្វើការជាមួយសាច់ញាតិអ្នកស្លាប់ និងមេធាវីដើម្បីលៃលកបង្វិលលុយកក់សំបុត្រទៅវិញ ។ គួរបញ្ជាក់ថា កាលពីខែមករា បុរសម្នាក់នោះ បុរសរូបនេះ បានប្រើនារីអាកាសចរម្នាក់ជូនខ្លួនទៅបន្ទប់ទឹករហូតជាច្រើនដង ដោយយកលេសថា ទើបតែធ្វើការវះកាត់រួច។
តែអ្វីដែលលើសខ្លាំងនោះ គឺគាត់បានប្រើឱ្យនារីអាកាសចរមកចូលក្នុងបន្ទប់ទឹកជាមួយ ។ ពេលនាងសុខចិត្តចូលទៅជួយហើយ គាត់បែរជាលែងខ្លួនទទេ បង្ហាញលិង្គឱ្យនាងមើល មុនពេលនាងយកភួយមកគ្រប។ក្រោយមកបន្តិច គាត់ក៏ទារទៅបន្ទប់ទឹកម្តងទៀត សម្រាប់ការបត់ជើងធំ ។ ដូចគ្នាដែរ គាត់បានប្រើឱ្យនាងមកជួយជូតឱ្យគាត់ដដែល ។ ខណៈនាងប្រកែកយ៉ាងស្ទាក់ស្ទើរ តែត្រូវបង្ខំចិត្តព្រោះយល់ថា បុរសម្នាក់នោះគឺជាភ្ញៀវពិការម្នាក់ ។
ពេលកំពុងជូតជាមួយនឹងការពាក់ស្រោមដៃ៣ជាន់ បុរសធាត់នោះបានស្រែកថ្ងូរ ដូចជាពេលកំពុងរួមភេទអុីចឹង។ នាងជានារីអាកាសចរបានសរសេរបង្ហោះរឿងរ៉ាវនេះលើបណ្តាញសង្គម ។ ក្រោយមកក៏មានការធ្វើសន្និសីទកាសែត ឱ្យនាងនិយាយពីរឿងក្នុងចិត្ត។
ពិតជាមិននឹកស្មានថា មនុស្សប្រភេទដូចគាត់នេះអាយុខ្លីអុីចឹង !
ចែករំលែកព័តមាននេះ