AFP ផ្សាយថា អង្គការសុខភាពពិភពលោក (WHO) និងក្រុមហែលឃែរ៍ (Health Care) បានផ្តួចផ្តើមគម្រោងកម្ចាត់បារ៉ត ពីឧបករណ៍វាស់ស្ទង់សីតុណ្ហភាពផ្នែកវេជ្ជសាស្ត្រឱ្យអស់នៅក្នុងឆ្នាំ២០២០ ក្នុងនោះមានទាំងបារ៉តពីឧបករណ៍វាស់កម្តៅ និងវាស់សម្ពាធឈាមផងដែរ ។
AFP ផ្សាយថា អង្គការសុខភាពពិភពលោក (WHO) និងក្រុមហែលឃែរ៍ (Health Care) បានផ្តួចផ្តើមគម្រោងកម្ចាត់បារ៉ត ពីឧបករណ៍វាស់ស្ទង់សីតុណ្ហភាពផ្នែកវេជ្ជសាស្ត្រឱ្យអស់នៅក្នុងឆ្នាំ២០២០ ក្នុងនោះមានទាំងបារ៉តពីឧបករណ៍វាស់កម្តៅ និងវាស់សម្ពាធឈាមផងដែរ ។
លោកស្រីម៉ាការ៉ែត ចាន នាយករបស់ WHO បានថ្លែងថា បារ៉ត ជាផ្នែកមួយក្នុងសារធាតុគីមីចំនួន១០ប្រភេទដែលគ្រោះថ្នាក់ និងជាសារធាតុអាចរីករាលដាល រួមទាំងស្ថិតក្នុងអាកាសធាតុរយៈពេលយូរ ជាហេតុបង្កឱ្យកើតជំងឺធ្ងន់ និងពិការខួរក្បាល ។ កាលពីថ្ងៃទី១០ តុលា ២០១៣ អ្នកតំណាងមកពីចំណោម១៤០ប្រទេស ដែលចូលរួមប្រជុំនៅទីក្រុងមីណាម៉ាតា ប្រទេសជប៉ុន បានចុះហត្ថលេខាលើសន្ធិសញ្ញាស្តីពីបារ៉ត នៃអង្គការសហប្រជាជាតិ (UN) ដើម្បីគ្រប់គ្រងលើការប្រើសារធាតុបារ៉ត ។
ទីក្រុងមីណាម៉ាតា ធ្លាប់កើតមានវិបត្តិបារ៉ត ដ៏ធំក្នុងទសវត្សទី៥០ បង្កឱ្យមានអ្នកស្លាប់ប្រហែល២.០០០នាក់ ព្រោះទទួលទានត្រី និងអាហារសមុទ្រ ដែលមានលាយឡំដោយសារធាតុបារ៉ត ដែលបង្ហូរចេញពីរោងចក្រក្នុងតំបន់ ៕
ចែករំលែកព័តមាននេះ