រាជធានីភ្នំពេញ ៖ រថយន្តដឹកកម្ទេចថ្មមួយគ្រឿងបានធ្លាក់ផ្លូវក្រឡាប់ទាំងព្រឹក ហើយអ្នកបើកបរបានលូនចេញគេចទៅបាត់ ។ ទោះបីជាយ៉ាងណាពុំដឹងថា មានអ្នករងរបួសឬយ៉ាងណានោះទេ ។ ហេតុការណ៍គ្រោះថ្នាក់នេះបង្កអោយមានការភ្ញាក់ផ្អើលដល់សមត្ថកិច្ចមូលដ្ឋាន កាលពីវេលាម៉ោងប្រមាណ៨និង៣០នាទីព្រឹក…
រាជធានីភ្នំពេញ ៖ រថយន្តដឹកកម្ទេចថ្មមួយគ្រឿងបានធ្លាក់ផ្លូវក្រឡាប់ទាំងព្រឹក ហើយអ្នកបើកបរបានលូនចេញគេចទៅបាត់ ។ ទោះបីជាយ៉ាងណាពុំដឹងថា មានអ្នករងរបួសឬយ៉ាងណានោះទេ ។ ហេតុការណ៍គ្រោះថ្នាក់នេះបង្កអោយមានការភ្ញាក់ផ្អើលដល់សមត្ថកិច្ចមូលដ្ឋាន កាលពីវេលាម៉ោងប្រមាណ៨និង៣០នាទីព្រឹក នៅចំណុចវិថីឈ្នះឈ្នះ ក្នុងសង្កាត់គោករការ ខណ្ឌព្រែកព្នៅ ។
រថយន្តដែលក្រឡាប់ម៉ាក់ហ៊ីយ៉ាន់ដាយ ពាកស្លាកលេខតាកែវ ៣A០- ០២៩១ ជារថយន្តរបស់ក្រុមហ៊ុន រាជសីហ៍ឡូជីស្ទិក បើកបរដោយបុរសម្នាក់មិនស្គាល់ឈ្មោះ បានគេចខ្លួនបាត់ ។ ទាក់ទិនគ្រោះថ្នាក់ក្រឡាប់នេះ គេពុំដឹងពីមូលហេតុអ្វីឡើយ ។
តាមព័ត៌មានបានអោយដឹងថា មុនពេលកើតហេតុរថយន្តបានធ្វើដំណើរតាមវិថីឈ្នះឈ្នះក្នុងទិសដៅពីលិចទៅកើត ។ នៅពេលធ្វើដំណើរមកដល់កន្លែងកើតហេតុក៏បានធ្លាក់ផ្លូវក្រឡាប់ចាក់កម្ទេចថ្ម សម្រាប់ចាក់ធ្វើកាំជណ្តើរ ។ នៅកន្លែងកើតហេតុពុំមានសាក្សីណាបានឃើញហេតុការណ៍នេះឡើយ ។
ចំណែករថយន្តនោះបានរងការខូចខាតខ្ទេចមុខ និងបែកកង់ខាងឆ្វេង ទំនងជាមុនពេលកើតបានជួបគ្រោះថ្នាក់ដោយមានរថយន្តមួយគ្រឿងទៀតបានបើកបុក និងកៀរបណ្តាលអោយធ្លាក់ផ្លូវក្រឡាប់តែម្តង៕
ចែករំលែកព័តមាននេះ