កក្រើកក្រុងទាំងកណ្តាលអធ្រាត្រក្លិប«MIAMI»មនុស្សជាង៤០នាក់រួមទាំងថ្នាំញៀនទៀត
- ភ្នំពេញ
រាជធានីភ្នំពេញ ៖ កម្លាំងសមត្ថកិច្ចនៃស្នងការនគរបាលជាតិដឹកនាំដោយលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញបានចុះបង្ក្រាបក្លឹបកំសាន្តយីហោ «MIAMI» ឃាត់ខ្លួនមនុស្សប្រុសស្រីជាង៤០នាក់ព្រមទាំងដកហូតថ្នាំញៀនមួយចំនួនផងដែរ ។
កិច្ចប្រតិបត្តិការនេះបានធ្វើឡើងនៅវេលាម៉ោង២រំលងអធ្រាត្រឈានចូលថ្ងៃទី១១ ខែមេសា ឆ្នាំ២០១៩ ស្ថិតនៅក្លឹបកំសាន្តយីហោ « MIAMI» ដែលស្ថិតនៅផ្លូវ៣៦០ សង្កាត់បឹងកេងកង១ ខណ្ឌចំការមន បានឃាត់ខ្លួនមនុស្សប្រុសស្រីជាង៤០នាក់ព្រមទាំងដកហូតបានថ្នាំញៀនមួយចំនួន ។
ក្នុងរង្វង់ប្រតិបត្តការនេះដែរបានដឹកនាំដោយលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញបានបើកប្រតិបត្តិការបង្ក្រាប និងបិទក្លឹបកំសាន្តខាងលើ ហើយក៏បានឃាត់ខ្លួនមនុស្សប្រុសស្រីក្មេងចាស់ជាង៤០នាក់ ព្រមទាំងដកហូតបានថ្នាំញៀនមួយចំនួន ក្នុងករណីនេះដែរ សមត្ថកិច្ចក៏បានហាមឃាត់មិនអោយអ្នកសារព័ត៌មានថតរូបនោះទេ ។
គួរបញ្ជាក់ផងដែរ ក្លឹបកំសាន្តខាងលើនេះធ្លាប់ត្រូវបានអាជ្ញាធរខណ្ឌចំការមនធ្លាប់ចុះបិទចំនួន៣លើកមកហើយតែម្ចាស់ក្លឹបកំសាន្តនេះនៅតែផ្គើនបើកដំណើរការមកដល់ពេលនេះ ។ ក្រោយពេលកើតហេតុជនសង្ស័យប្រុសស្រីព្រមទាំងគ្រឿងញៀនត្រូវបានបញ្ជួនយកទៅសាកសួរនៅស្នងការរាជធានីភ្នំពេញដើម្បីធ្វើការសាកសួរ ៕
ចែករំលែកព័តមាននេះ