ខ្មោចទីតាំងប៉ុស្តិ៍នគរបាលទឹកថ្លាកំពុងតាមលង…
- ភ្នំពេញ
រាជធានីភ្នំពេញ ៖ ទីតាំងនគរបាលប៉ុស្តិ៍ទឹកថ្លា ខណ្ឌសែនសុខ រាជធានីភ្នំពេញ មានទំហំ២៥គុណ៣០ ឬ៧៥០ម៉ែត្រការ៉េ តម្លៃទីផ្សារបច្ចុប្បន្នលើសពី២ពាន់ដុល្លារក្នុងមួយម៉ែត្រការ៉េ ដែលត្រូវបានដោះដូរក្រោមរូបភាពយកឆ្នាំងមាសដូរយកឆ្នាំងដីនោះ ពេលនេះបែកពាងប្រហុកហើយ ទោះបីខំលាក់ ខំលាង បិទបាំងយ៉ាងណាក៏ដោយ។
ចំពោះទីតាំងថ្មីត្រូវបានឈ្មួញដែលមានសំណាងធំយកទៅដាក់នៅផ្លូវទល់មួយជាផ្លូវឌឿងហែម ដែលអ្នករស់នៅទីនោះនិយាយថា មានតម្លៃប្រហាក់ប្រហែល២០ម៉ឺនដុល្លារ ព្រោះនៅកៀនកោះពិបាកស្គាល់ ។
ប្រភពព័ត៌មានមួយខ្សឹបថា កាលពីថ្ងៃទី៦ មេសានេះ គេបានធ្វើការដោះស្រាយគោលនយោបាយជាដុល្លារជូនមន្ត្រីប៉ូលិសប៉ុស្តិ៍ចំនួន១៥នាក់ ។ ខ្លះបាន២ពាន់ដុល្លារ ខ្លះបាន១៥០០ដុល្លារ គិតថា ប៉ូលិសចាស់នៅយូរ និងប៉ូលិសថ្មីទើបចូល ។ ឯប៉ូលិសចាស់ដែលរឺត្រែតអត់បានទេ ទោះបីទើបរឺត្រែតថ្ងៃណោះក៏អត់បានដែរ ។ ម្ល៉ោះហើយដំណោះស្រាយនេះ ចាប់ផ្តើមផ្ទុះប្រតិកម្មបណ្តើរៗហើយ ម៉េចឯងបាន… ហើយអញអត់បាន? មិនព្រមទេ វ៉ើយ ។
ទោះបីខិតខំសាកសួរ សុំការបំភ្លឺពីមេៗចាប់ពីមេប៉ុស្តិ៍ រហូតដល់មេអធិការ និងមេរឯៗយ៉ាងណាក៏ដោយ គ្មានការបំភ្លឺឡើយ ដែលមេម្នាក់ៗឆ្លើយថា អត់ដឹងទេ… ជារឿងថ្នាក់លើ ។
មានប៉ូលិសម្នាក់ប្រាប់ថា ទៅសួរអង្គការលើទៅ ខាងក្រោមអត់ដឹងទេ ។ មិនដឹងថា តើឈ្មួញមួយណាដែលពូកែដោះដូរស្ងប់ស្ងាត់ម៉ឹងៗ ។
ដរាបណាមានដំណឹងប្លែក យើងនឹងផ្សាយជូនបន្តទៀត។
ចែករំលែកព័តមាននេះ