រាជធានីភ្នំពេញ ៖ ក្មេងទំនើង០៤នាក់ត្រូវបានសមត្ថកិច្ចឃាត់ខ្លួនយកមកសាកសួរ ក្រោយពីដេញវាយគ្នាបង្កភាពអនាធិបតេយ្យតាមដងផ្លូវ ។ ករណីនេះបង្កការភ្ញាក់ផ្អើល កាលពីម៉ោង២៣និង៣០នាទីយប់ ថ្ងៃទី០៦ មេសា ២០១៩ នៅផ្លូវចូលទៅរោងចក្រដំបូលខៀវ ភូមិត្រពាំងថ្លឹក សង្កាត់ចោមចៅ១ ខណ្ឌពោធិ៍សែនជ័យ ។
ក្មេទំនើងខាងលើត្រូវសមត្ថកិច្ចឃាត់បានម្ខាងៗមានគ្នា២នាក់ក្នុងនោះមានភាគីទី១
១-ឈ្មោះ សារ៉ន ការប៉ាន់ អាយុ២៦ឆ្នាំ មុខរបរជាងសំណង់ ២- ឈ្មោះ សារ៉ន ការ៉ាញ់ អាយុ
២២ឆ្នាំ មុខរបរជាងសំណង់ ទាំង២នាក់ជាបងប្អូនបង្កើតស្នាក់នៅបន្ទប់ជួលភូមិត្រពាំងថ្លឹកសង្កាត់ចោមចៅ១ ខណ្ឌពោធិ៍សែនជ័យ ។ ភាគីទី២ មាន១-ឈ្មោះ ឃុន ឃាន់ អាយុ៣៣
ឆ្នាំមុខរបរមិនពិតប្រាកដ ស្នាក់នៅភូមិត្រពាំងថ្លឹក សង្កាត់ចោមចៅ១ ខណ្ឌពោធិ៍សែនជ័យ ។ ទី២-ឈ្មោះ សំ កេស អាយុ៣៦ឆ្នាំ មុខរបរជាងកាត់ដេរ ស្នាក់នៅភូមិត្រពាំងថ្លឹក សង្កាត់ចោមចៅ១ ខណ្ឌពោធិ៍សែនជ័យ ។
សមត្ថកិច្ចឲ្យដឹងថា មុនពេលកើតហេតុ ខណៈកម្លាំងប៉ុស្តិ៍ធ្វើការល្បាតក្នុងមូលដ្ឋានស្រាប់តែមានប្រជាពលរដ្ឋរត់មកប្តឹងថា នៅចំណុចខាងលើមានករណីវាយតប់គ្នាទៅវិញទៅមក ក្រោយពីទទួលព័ត៌មានសមត្ថកិច្ចយើងបានចុះដល់ចំណុចកើតហេតុនាំខ្លួនជនសង្ស័យទាំង០៤នាក់ខាងលើយកមកធ្វើការសាកសួរនៅប៉ុស្តិ៍នគរបាលរដ្ឋបាលចោមចៅ១ និងបានឃាត់បន្តយកមកអធិការដ្ឋាននគរបាលខណ្ឌពោធិ៍សែនជ័យ ដើម្បីអនុវត្តតាមនីតិវិធី ៕
ចែករំលែកព័តមាននេះ