តាមប្រភពព័ត៌មាន Paying For 90 បានឱ្យដឹងថា ក្លិបអធិរាជស Real Madrid បានត្រៀមផ្លូវក្រោយសម្រាប់ទុកពេលមិនបាន Kylian Mbappe ពីក្លិបអ្នកមានបារាំង PSG។
ដូចជាយើងបានដឹងស្រាប់មកហើយតាមរយៈការចុះផ្សាយនាពេលកន្លងមក នាយកក្លិប PSG មិនចង់លក់កីឡាករ Mbappe ដែលជាជើងខ្លាំងប្រចាំក្លិបរបស់ខ្លួនឡើយ។ Mbappe ត្រូវបានកំណត់ថ្លៃដោយ PSG ត្រឹម ៣៥០លានអឺរ៉ូ ដែលវាជាអម្រែកមួយយ៉ាងធ្ងន់ ប្រសិនបើ Real Madrid ហ៊ានទិញយកទៅ។

ដោយសារតែពិបាកបែបនេះហើយ Real Madrid បានត្រៀមទុកផ្លូវក្រោយ ដើម្បីទាក់ទាញកីឡាករប្រចាំក្លិប Tottenham Hotspur លោក Harry Kane។ កីឡាករក្រុមជម្រើសជាតិអង់គ្លេសម្នាក់នេះបានលេចមុខមាត់យ៉ាងខ្លាំងក្នុងរយៈពេល៥ឆ្នាំចុងក្រោយនេះ ជាមួយនឹងអាយុត្រឹមតែ២៥ឆ្នាំ ដែលធ្វើឱ្យគ្រប់គ្នាគិតថាគេអាចនៅលើបានយូរទៀត។
ម្ចាស់ក្លិប Tottenham Hotspur លោក Daniel Levy បានកំណត់ថ្លៃ Kane ត្រឹមតែ ២៥០លានអឺរ៉ូប៉ុណ្ណោះ ដែលមានតម្លៃថោកជាង Mbappe ឆ្ងាយគ្រាន់បើ។ ដូច្នេះ ការទិញយកកីឡាករនេះទៅគឺអស់ថោកជាង ១៨០លានអឺរ៉ូពេលដែលទិញ Mbappe។ នេះអាចជាជម្រើសដ៏ល្អ ៕
ចែករំលែកព័តមាននេះ