ខេត្តកំពង់ស្ពឺ ៖ ពិតជាមិនទាន់ចប់នោះទេ ករណីលោកប៉េអឹមចាក់ដីរំលោភយកអូរដែលជាសម្បត្តិរបស់រដ្ឋមកធ្វើជាកម្មសិទ្ធិខ្លួន ព្រោះពេលនេះខាងជំនាញធនធានទឹកបានសុំគោលការណ៍ខេត្ត និងធ្វើរបាយការណ៍ ដើម្បីដកហូតជាសម្បត្តិរដ្ឋវិញហើយ។ លោក ញ៉ាញ់ ជៀបហ៑ង…
ខេត្តកំពង់ស្ពឺ ៖ ពិតជាមិនទាន់ចប់នោះទេ ករណីលោកប៉េអឹមចាក់ដីរំលោភយកអូរដែលជាសម្បត្តិរបស់រដ្ឋមកធ្វើជាកម្មសិទ្ធិខ្លួន ព្រោះពេលនេះខាងជំនាញធនធានទឹកបានសុំគោលការណ៍ខេត្ត និងធ្វើរបាយការណ៍ ដើម្បីដកហូតជាសម្បត្តិរដ្ឋវិញហើយ។
លោក ញ៉ាញ់ ជៀបហ៑ង ប្រធានមន្ទីរធនធានទឹកបានប្រាប់តាមទូរស័ព្ទថា ករណីលោកប៉េអឹមចាក់ដីរំលោភយកអូរនេះ លោកបានសុំអន្តរាគមន៍ពីខេត្តរួចហើយ នៅថ្ងៃចន្ទនេះខាងលោកនឹងធ្វើលិខិតដាក់ទៅខេត្តហើយ ដោយកំណត់ជាអាងធម្មជាតិរបស់រដ្ឋ ហើយធ្វើការវាស់វែងឡើងវិញ ដើម្បីកំណត់ថាកន្លែងណាជាដីរបស់គាត់កាន់កាប់ត្រឹមណឹងទៅ។
លោកប៉េអឹមនេះត្រូវបានដឹងថា មានឱពុកក្មេកជាមន្ត្រីនគរបាលស្រុកភ្នំស្រួចទៀតផង ដំបូងលោកបានឃាត់ដែរ តែនៅពេលដែលជំនាញចេញផុត ស្រាប់តែលោកប៉េអឹមនោះលួចចាក់ទៀត។
លោកប្រធានបន្តថា ទោះបីជាលោកប៉េអឹមលួចចាក់ដីយ៉ាងណាក៏មិនអាចបានប្លង់ដែរ ករណីនេះលោកប្រដូចទៅនឹងករណីចាក់ដីនៅទំនប់ចាន់ថ្នាលថា ធ្វើយ៉ាងណាក៏មិនអាចបានទោះបីជាសម្របសម្រួលយ៉ាងណាក៏មិនបានដែរ ព្រោះគាត់រំលោភយក។
ចំណែកលោកឡុង ប៊ុនហៀង មេឃុំមហាសាំងក៏បានបញ្ជាក់ផងដែរថា អូរដែលលោកប៉េអឹមចាក់ដីរំលោភយកនេះ គឺជាកន្លែងទឹកហូរគ្រប់រដូវ ករណីចាក់ដីលុបអូរនេះប្រសិនបើលោកប៉េអឹមធ្វើបានសម្រេច គឺនៅពេលខែវស្សាមកដល់អាចធ្វើឱ្យទឹកចាល់ឡើងទៅលើ ហើយនឹងមានការជន់លិចភូមិនានានៅជិតនោះជាក់ជាមិនខាន។
ព័ត៌មានពិស្តារមានផ្សាយនៅកាសែតកោះសន្តិភាព
ចែករំលែកព័តមាននេះ