ខេត្តរតនគិរី ៖ តាមសេចក្តីរាយការណ៍ព័ត៌មានបឋមបានឱ្យដឹងថា កាលពីវេលាម៉ោង៩និង៤៥នាទីព្រឹកថ្ងៃទី២៩ ខែមិនា ឆ្នាំ២០១៩ មានករណីជនសង្ស័យម្នាក់បន្លំចូលលួចលុយកន្លែងវីង អស់ប្រហែល៨០០០ដុល្លារ កាតគ្រីរថយន្ត កាតគ្រីម៉ូតូ កាតទូរស័ព្ទ និងអត្តសញ្ញាណប័ណ្ណ នៅចំណុចផ្ទះជនរងគ្រោះ ស្ថិតក្នុងភូមិតាអងតាតេ ឃុំតាអង ស្រុកកូនមុំ ។
ជនរងគ្រោះឈ្មោះ យុទ្ធ សុវណ្ណារី ភេទស្រី អាយុ៣៨ឆ្នាំ មុខរបរលក់ដូរ និងវេរលុយវីង រស់នៅកន្លែងកើតហេតុខាងលើ ។
តាមរយៈកាមេរ៉ាសុវត្ថិភាពបានបង្ហាញភិនភាគជនសង្ស័យពាក់អាវពណ៌ខ្មៅដៃខ្លី ស្លៀកខោខ្លី ពាក់មួកពណ៌ខ្មៅ ។
បច្ចុប្បន្នកម្លាំងជំនាញខេត្តសហការកម្លាំងអធិការស្រុកកូនមុំនិងកម្លាំងប៉ុស្តិ៍កំពុងធ្វើការស្រាវជ្រាវវែកមុខជនសង្ស័យម្នាក់ខាងលើដើម្បីយកមកផ្តន្ទាទោសតាមច្បាប់ ។ ព័ត៌មានលម្អិតនឹងមានផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ