ខេត្តបន្ទាយមានជ័យ ៖ សមត្ថកិច្ចចម្រុះ ដឹកនាំដោយគណៈកម្មការប្រយុទ្ធប្រឆាំងផលិតផលក្លែងក្លាយ បានចុះពិនិត្យ និងសម្រេចបិទទីតាំងសិប្បកម្មផលិតទឹកបរិសុទ្ធ «ថាវរៈ» និងផលិតទឹកកកអនាម័យ កាលពីរសៀលថ្ងៃទី២៧ មីនា…
ខេត្តបន្ទាយមានជ័យ ៖ សមត្ថកិច្ចចម្រុះ ដឹកនាំដោយគណៈកម្មការប្រយុទ្ធប្រឆាំងផលិតផលក្លែងក្លាយ បានចុះពិនិត្យ និងសម្រេចបិទទីតាំងសិប្បកម្មផលិតទឹកបរិសុទ្ធ «ថាវរៈ» និងផលិតទឹកកកអនាម័យ កាលពីរសៀលថ្ងៃទី២៧ មីនា ស្ថិតក្នុងភូមិសែសិន សង្កាត់អូរអំបិល ក្រុងសិរីសោភ័ណ ។
បើតាមលោកឧត្តមសេនីយ៍ត្រី ចាប សុផាប្ញទ្ធិ បានឱ្យដឹងថា ការពិនិត្យទីតាំងផលិតទឹកពិសារបរិសុទ្ធនិងទឹកកករបស់លោកស្រី ហួយ សុគន្ធារី ដែលជាម្ចាស់សិប្បកម្ម គឺក្រោយពិនិត្យជាក់ស្តែងឃើញថា ការផលិតទឹកបរិសុទ្ធគ្មានច្បាប់ស្តង់ដា (CS) និងគ្មានចុះបញ្ជីការបរិច្ឆេទ ការផលិតទឹកកកបរិសុទ្ធ ការវិចខ្ចប់គ្មានការអនាម័យ ដែលយកការ៉ុងមិនស្អាត មកច្រកចេញដឹកចែកចាយ ។
លោក សាន វិជ្ជាសារ៉ាវុធ ទីប្រឹក្សាគណៈកម្មធិការជាតិជំរុញចលនាភូមិមួយ ផលិតផលមួយនិងជាប្រធានសាខាកាំកុងត្រូលខេត្តបន្ទាយមានជ័យបានបញ្ជាក់ទៀតថា ម្ចាស់ផលិតគាត់មានច្បាប់មូលដ្ឋាន តែនៅខ្វះ៣ចំណុចទៀត លើបញ្ហាដែលធ្វើឱ្យប៉ះពាលដល់សុខភាពរបស់ប្រជាពលរដ្ឋ ។
ចែករំលែកព័តមាននេះ