រាជធានីភ្នំពេញ ៖ នៅរសៀលថ្ងៃនេះថៅកែផ្សារឈូកមាសបានទទួលយកសំណើររបស់អាជីវករហើយ ដោយកុងត្រារយៈពេល៤ឆ្នាំ និងតម្លើងឈ្នូលតូបតែ៥% ចាប់ពីឆ្នាំទី១ រហូតដល់ឆ្នាំទី៤ ។ ទន្ទឹមនោះអាជីវករក៏បានទះដៃអបអរ ហើយនាំគ្នាត្រឡប់ទៅផ្សារវិញ…
រាជធានីភ្នំពេញ ៖ នៅរសៀលថ្ងៃនេះថៅកែផ្សារឈូកមាសបានទទួលយកសំណើររបស់អាជីវករហើយ ដោយកុងត្រារយៈពេល៤ឆ្នាំ និងតម្លើងឈ្នូលតូបតែ៥% ចាប់ពីឆ្នាំទី១ រហូតដល់ឆ្នាំទី៤ ។ ទន្ទឹមនោះអាជីវករក៏បានទះដៃអបអរ ហើយនាំគ្នាត្រឡប់ទៅផ្សារវិញ នៅវេលាម៉ោង២និង១០នាទីរសៀលនេះ ។
បញ្ជាក់ ៖ អាជីវករផ្សារឈូកមាសប្រមាណ១០០នាក់ក្នុងចំណោមអាជីវករទាំងអស់ចំនួន២២១តូបបានផ្ទុះការតវ៉ាលើកបដា រូបថតសម្តេចតេជោ ហ៊ុន សែន និងសម្តេចកិតិព្រឹទ្ធបណ្ឌិតប៊ុនរ៉ានីហ៊ុន សែន ហើយបានលើកគ្នាទៅកាន់ស្នាក់ការក្រុមហ៊ុនបុរីពិភពថ្មី ដែលស្ថិតនៅក្បែរផ្សារអីអន២ ក្នុងភូមិបាយ៉ាប សង្កាត់ភ្នំពេញ ខណ្ឌសែនសុខ ដើម្បីទាមទារអោយថៅកែផ្សារបញ្ចុះតម្លៃតូប និងបន្តកុងត្រាថ្មីរយៈពេល៤ឆ្នាំ ។
តាមអាជីវករបានអោយដឹងថា ការលើកគ្នាតវ៉ានេះបន្ទាប់ពីថៅកែផ្សារឈូកមាសបានចេញសេចក្តីជួនដំណឹងដល់អាជីវករទាំងអស់ អោយនាំគ្នាទៅបន្តកិច្ចសន្យាថ្មីនៅថ្ងៃទី១៨ ខែមីនា ឆ្នាំ២០១៩នេះព្រមទាំងបញ្ជាក់ថា កិច្ចសន្យាថ្មីមានតែ១ឆ្នាំ ត្រូវបង់ផាស៊ី ប្រចាំខែចំនួន១៥០០០រៀល ក្នុង១តូប និងឡើងថ្ងៃឈ្នួលចំនួន៥ភាគរយ ទៅតាមតម្លៃតូបនីមួយៗក្នុងមួយខែ ។ បន្ទាប់ពីឡើងតម្លៃតូបអាជីវករក៏បានធ្វើការតវ៉ា ហើយត្រូវបានក្រុមហ៊ុនដាក់ជម្រើសចំនួន២ ជម្រើសទី១-កុងត្រាចំនួន២ឆ្នាំ ឆ្នាំទី១ តម្លៃតូបនៅដដែល និងឆ្នាំទី២ តម្លើង៥ភាគរយនិងជម្រើសទី២-កុងត្រារយៈពេល៤ឆ្នាំ ឆ្នាំទី១ តម្លៃតូបនៅដដែលឆ្នាំ២ តម្លើងឈ្មួលតូប៥ភាគរយ ឆ្នាំ៣ឡើង១០ភាគរយ និងឆ្នាំទី៤ឡើង១៥ភាគរយ ។
អាជីវករក៏បានបន្តទៀតថា តែក្រុមហ៊ុនតម្លើងតូបអាជីវករក៏បានជួបប្រមូលផ្តុំលើកគ្នាមកទាមទារនៅស្នាក់ការក្រុមហ៊ុនតែម្តង ។ តាមអាជីវករបានអោយដឹងទៀតថា នៅក្នុងការតវ៉ាពួកគាត់សំណូមពរដោយជ្រើសរើសជម្រើសទី២ អោយក្រុមបន្តកិច្ចរយៈពេល៤ឆ្នាំ ប៉ុន្តែសូមអោយលោកឧកញ៉ាហុង ពីង មេត្តាសម្រួលលក្ខខណ្ឌខ្លះក្នុងការតម្លើងថ្លៃឈ្មួលតូបដូចខាងក្រោម១ឆ្នាំទី១ រក្សាតម្លៃឈ្មួលនៅដដែល ២ឆ្នាំ ទី២ តម្លៃឈ្មួលឡើង៥ភាគរយ ៣- ឆ្នាំទី៣រក្សាតម្លៃថេរ៥ភាគរយ និង៤- ឆ្នាំទី៤ រក្សាតម្លៃថេរ៥ភាគរយ ។
តាមអាជីវករបានបន្តទៀត ផ្សារឈូកមាសកន្លងមកតម្លៃឈ្មួលតូបចាប់ពី១០០ដុល្លាររហូតដល់៣៦០ដុល្លារ ក្នុងមួយខែទៅតាមតូបនីមួយៗ ហើយកុងត្រារយៈពេលចំនួន៤ឆ្នាំ ស្រាប់តែដល់កុងត្រាថ្មីក្រុមហ៊ុនបានតម្លៃតូប ហើយកុងត្រាតែរយៈពេល២ឆ្នាំ ។ នៅព្រឹកនោះគេឃើញ លោកហោ វាសនា អភិបាលរងខណ្ឌសែនសុខក៏បានចុះទៅជួបសម្របសម្រួលជាមួយអាជីវករ ហើយទទួលយកសំណើរ ដើម្បីជួបជាមួយក្រុមហ៊ុនធ្វើការដោះស្រាយ ។
ដោយឡែកក្រុមហ៊ុន ហៅតំណាងទៅជួប និងបានទទួលយកសំណើរដែរហើយក៏សន្យាថាស្នើទៅក្រុមហ៊ុន ដើម្បីសម្របសម្រួលដោះស្រាយផងដែរ៕
ចែករំលែកព័តមាននេះ