ខេត្តបន្ទាយមានជ័យ ៖ ផ្លូវលំប្រវែងជិត២ពាន់ម៉ែត្រគ្រោងនឹងស្ថាបនាជាអំណោយរបស់ឯកឧត្តម កែ គឹមយ៉ាន និងលោកជំទាវឧកញ៉ាម៉ៅម៉ាល័យ កែ គឹមយ៉ាន ប្រជាពលរដ្ឋនៅភូមិស្ទឹងចាស់ ឃុំគយម៉ែង…
ខេត្តបន្ទាយមានជ័យ ៖ ផ្លូវលំប្រវែងជិត២ពាន់ម៉ែត្រគ្រោងនឹងស្ថាបនាជាអំណោយរបស់ឯកឧត្តម កែ គឹមយ៉ាន និងលោកជំទាវឧកញ៉ាម៉ៅម៉ាល័យ កែ គឹមយ៉ាន ប្រជាពលរដ្ឋនៅភូមិស្ទឹងចាស់ ឃុំគយម៉ែង ស្រុកមង្គលបូរី ខេត្តបន្ទាយមានជ័យដែលពួកគាត់សប្បាយចិត្តដែលពួកគាត់ទទួលបានផ្លូវលំមួយខ្សែដែលមានប្រវែងជិត២,០០០ម៉ែត្រ ។
នៅថ្ងៃទី០៨ ខែមីនា ឆ្នាំ២០១៩ នេះដែរលោកឧត្តមសេនីយទោអាត់ ខែម ស្នងការនគរបាលខេត្តរួមដំណើរដោយឧត្តមសេនីយត្រី ស៊ីវ សុជាតិ ស្នងការរងរួមទាំងអាជ្ញាធរ ឃុំគយម៉ែង ភូមិបានចុះពិនិត្យសិក្សា និងមើលពីទិដ្ឋភាពទីតាំងដែលត្រូវស្ថាបនានោះផងដែរ ។ មានប្រសាសន៍ទៅកាន់អាជ្ញាធរមូលដ្ឋាននាឱកាសនោះដែរ លោកឧត្តមសេនីយទោអាត់ ខែម ស្នងការនគរបាលខេត្តបានថ្លែងថា ដើម្បីជាការឆ្លើយតបទៅនឹងសំណូមពររបស់អាជ្ញាធរក៏ដូចជា ប្រជាពលរដ្ឋនៅភូមិស្ទឹងចាស់ក៏ដូចជាពិនិត្យឃើញកន្លងមកពួកគាត់ជួបបញ្ហាលំបាកក្នុងការធ្វើដំណើរនោះ ។
ឯកឧត្តមឧបនាយករដ្ឋមន្ត្រីកែ គឹមយ៉ានប្រធានអាជ្ញាធរជាតិប្រយុទ្ធប្រឆាំងគ្រឿងញៀនជាប្រធានក្រុមការងារថ្នាក់កណ្តាលចុះជួយខេត្តបន្ទាយមានជ័យ និងលោកជំទាវឧកញ៉ាម៉ៅ ម៉ាល័យ កែ គឹមយ៉ាន បានជួយស្ថាបនាផ្លូវលំពីភូមិអង្ករខ្មៅទៅកាន់ភូមិស្ទឹងចាស់ដែលមានប្រវែងជិត២,០០០ម៉ែត្រ ដើម្បីឲ្យប្រជាពលរដ្ឋគាត់ធ្វើដំណើរបានស្រួលក្នុងការដឹកផលិតផលទៅកាន់ទីផ្សារក៏ដូចជា សិស្សនុសិស្សធ្វើដំណើរទៅកាន់សាលារៀន និងដឹកអ្នកជម្ងឺទៅកាន់មណ្ឌលសុខភាពបានទាន់ពេលវេលា ។
លោកឧត្តមសេនីយស្នងការក៏បានសំណូមពរផងដែរដល់ប្រជាពលរដ្ឋ បើការធ្វើផ្លូវនេះមាន ការប៉ះពាល់ សូមចូលរួមសហការជាមួយក្រុមការងារព្រោះនេះ គឺផលប្រយោជន៍រួមទាំងអស់គ្នា ។ ដោយក្តីរីករាយយ៉ាងក្រៃលែងនោះប្រជាពលរដ្ឋក៏ដូចជា លោកអនុភូមិស្ទឹងចាស់បានថ្លែងអំណរគុណ លោកឧត្តមសេនីយទោអាត់ ខែម ស្នងការនគរបាលខេត្ត ពិសេស គឺសូមថ្លែងអំណរគុណឯកឧត្តម ឧបនាយករដ្ឋមន្ត្រីកែ គឺមយ៉ាន ចុះជួយខេត្តបន្ទាយមានជ័យ និងលោកជំទាវ ម៉ៅ ម៉ាល័យ កែ គឹមយ៉ាន ដែលបានផ្តល់ផ្លូវ១ខ្សែនេះពីមុនមកគាត់ជួបបញ្ហាលំបាកជាច្រើនឆ្នាំមកហើយ ពិសេស គឺនារដូវវស្សាជួបបញ្ហាខ្លាំង គឺសិស្សានុសិស្សទៅសាលារៀនមិនទាន់ពេលវេលា ហើយការដឹកអ្នកជម្ងឺ ឬស្ត្រីឈឺពោះសម្រាលទៅកាន់មណ្ឌលសុខភាព ឬក៏មន្ទីរពេទ្យមានការយឺតយ៉ាវ ព្រោះការធ្វើរដំណើដោយជិះទូក ។
ពេលនេះបានផ្លូវថ្មីគាត់ពិតជាមានសេចក្តីត្រេកអរខ្លាំងណាស់ ។ នៅថ្ងៃដដែលនោះផងដែរ លោកឧត្តមសេនីយទោអាត់ ខែម ក៏បានចុះពិនិត្យមើលផ្លូលំ១ខ្សែប្រវែង៨គីឡូម៉ែត្រដែលជាអំណោយរបស់ឯកឧត្តម ឧបនាយករដ្ឋមន្ត្រីកែ គឺមយ៉ាន ចុះជួយខេត្តបន្ទាយមានជ័យ និងលោកជំទាវ ម៉ៅ ម៉ាល័យ កែ គឹមយ៉ាន ដែលបានស្ថាបនារួចរាល់ជាស្ថាពរពីភូមិដូចច្រែងទៅកាន់ភូមិស្រេះកើត ក្នុងឃុំព្រះនេត្រព្រះ ស្រុកព្រះនេត្រព្រះផងដែរ ៕
ចែករំលែកព័តមាននេះ