រាជធានីភ្នំពេញ ៖ បុរសម្នាក់ត្រូវកម្លាំងសមត្ថកិច្ចចាប់វាយខ្នោះភ្លាមៗ បន្ទាប់ពីផឹកស៊ីស្រវឹងបានទៅរករឿងវាយបំផ្លាញទ្រព្យសម្បត្តិក្នុងហាងអ្នកជិតខាង ។ ហេតុការណ៍នេះដែរបង្កឱ្យមានការភ្ញាក់ផ្អើលបានកើតឡើងកាលពីវេលាម៉ោង ១០យប់ថ្ងៃទី៦ ខែមីនា ឆ្នាំ២០១៩ ចំណុចហាងយីហោអាហារដ្ឋាន១៧១…
រាជធានីភ្នំពេញ ៖ បុរសម្នាក់ត្រូវកម្លាំងសមត្ថកិច្ចចាប់វាយខ្នោះភ្លាមៗ បន្ទាប់ពីផឹកស៊ីស្រវឹងបានទៅរករឿងវាយបំផ្លាញទ្រព្យសម្បត្តិក្នុងហាងអ្នកជិតខាង ។ ហេតុការណ៍នេះដែរបង្កឱ្យមានការភ្ញាក់ផ្អើលបានកើតឡើងកាលពីវេលាម៉ោង ១០យប់ថ្ងៃទី៦ ខែមីនា ឆ្នាំ២០១៩ ចំណុចហាងយីហោអាហារដ្ឋាន១៧១ ម្ហូបកុំម្ម៉ង់ ផ្ទះ១៨៣ កែងនិងផ្លូវ ៤០២ សង្កាត់ទំនប់ទឹក ខណ្ឌចំការមន ។
តាមប្រភពព័ត៌មានពីកន្លែងកើតហេតុបានអោយដឹងថា ហាងខាងលើកំពុងតែរៀបចំបិទទៅហើយ ស្របពេលនោះក៏ស្រាប់តែមានបុរសម្នាក់ដែលគេស្គាល់ថាជាអ្នកជិតខាងក្បែរគ្នាបានផឹកស៊ីស្រវឹង ហើយក៏មិនដឹងថាមានរឿងអ្វីនោះទេ ស្រាប់តែបុរសនោះបានដើរសំដៅចូលក្នុងហាងកើតហេតុខាងលើ ហើយស្រែកគំរាម និងវាយបំផ្លាញសំភារៈមួយចំនួននៅក្នុងហាងបណ្តាលឱ្យរងការខូចខាត ។ ភ្លាមៗនោះដែរ ម្ចាស់ហាងក៏ប្តឹងសមត្ថកិច្ចមូលដ្ឋានអោយចុះទៅដល់កន្លែងកើតហេតុ រួចចាប់ឃាត់ខ្លួននិងដាក់ខ្នោះបុរសម្នាក់នោះតែម្តង ។
សមត្ថកិច្ចបានបញ្ជាក់ថា បុរសជាជនបង្កខាងលើ គឺពួកគាត់ធ្លាប់ចាប់បញ្ជូនទៅមន្ទីរកែប្រែម្តងរួចទៅហើយ បន្ទាប់ពីបុរសជាជនបង្កនោះប្រើប្រាស់គ្រឿងញៀន និងរករឿងអ្នកជិតខាងដូចគ្នា ។
ក្រោយពេលកើតហេតុ ដោយសារតែម្តាយរបស់ជនបង្កបានអង្វរករដល់ម្ចាស់ហាងរងគ្រោះ ហើយម្ចាស់ហាងក៏មិនបានប្តឹងផ្តល់អ្វីដែរ ទើបសមត្ថកិច្ចដោះខ្នោះដៃជនបង្កអោយបងប្អូននាំយកទៅផ្ទះវិញផងដែរ ៕
ចែករំលែកព័តមាននេះ