មហាជនកំពុងភ្ញាក់ផ្អើលទំនាក់ទំនងតួឯងរឿង Batman និងគូស្នេហ៍
ស្នេហាថ្មីរបស់លោកបេន អាផ្លិច (Ben Affleck) តារាសម្តែងដ៏ល្បី និងនាងលីនសេ ស៊ូកាស (Lindsay Shookus) ហាក់ដូចជាក្លាយជាការពិត…
ស្នេហាថ្មីរបស់លោកបេន អាផ្លិច (Ben Affleck) តារាសម្តែងដ៏ល្បី និងនាងលីនសេ ស៊ូកាស (Lindsay Shookus) ហាក់ដូចជាក្លាយជាការពិត ដោយពួកគេបានដើរកម្សាន្តរួមគ្នាយ៉ាងរីករាយ ។
លោក អាផ្លិច មិនចាំបាច់រងទុក្ខសោកក្នុងពេលដែលរូបគេបានចែកផ្លូវជាមួយនាង ជេន្នី ហើ្វហ្គាន័រ អតីតប្រពន្ធដ៏ស្រស់ស្អាត ព្រោះមាននាងស៊ូកាសជាអ្នកស្អំបេះដូង ។ ដំណាក់កាលដំបូងពួកគេមានភាពស្និទ្ធស្នាលនឹងគ្នា ហើយវាអាចជាដំណើរឈានទៅរៀបការ ។
កន្លងមកអ្នកទាំង២បានចែកផ្លូវគ្នាម្តងមកហើយ ប៉ុន្តែកាលពីពេល ថ្មីៗកន្លងមកបានសាងស្នេហ៍ជាថ្មី និងមានពាក្យចចាមអារ៉ាមថាអ្នកទាំង២បានត្រូវរូ៉វគ្នា ព្រោះមានមនុស្សភាគច្រើនបានឃើញនៅជាមួយគ្នាជាញឹកញាប់ ។
បច្ចុប្បន្នលោកអាផ្លិច និងស៊ូកាសបានបង្ហាញមុខនៅទីសាធារណៈក្នុងក្រុងញូវយ៉ក សហរដ្ឋអាមេរិក ដោយបណ្ដើរគ្នាយ៉ាងត្រសង ៕
ចែករំលែកព័តមាននេះ