អាសូរក្រៃលែង! ជំងឺសួតបានឆ.ក់យកជីវិតនាយធុង តារាកំប្លែងគីឡូធ្ងន់
រាជធានីភ្នំពេញ ៖ ស្ទើរមិនគួឱ្យជឿ តារាកំប្លែងមាឌធំនាយ ធុង បានទទួលមរណភាពហើយនៅថ្ងៃ
រាជធានីភ្នំពេញ ៖ ស្ទើរមិនគួឱ្យជឿ តារាកំប្លែងមាឌធំនាយ ធុង បានទទួលមរណភាពហើយនៅថ្ងៃនេះ ដោយសារជំងឺសួត ក្នុងអាយុ២៩ឆ្នាំ ។
បុណ្យសពរបស់តារាកំប្លែងទម្ងន់ជាង២០០គីឡូរូបនេះត្រូវបានក្រុមគ្រួសារតម្កល់ធ្វើបុណ្យនៅវត្តសន្សំកុសល្យ រាជធានីភ្នំពេញ ។
ដំណឹងមរណភាពរបស់នាយ ធុង នាពេលនេះ ត្រូវបានសាច់ញាតិ ជាពិសេសមិត្តក្នុងសិល្បៈចែកចាយពេញបណ្តាញសង្គម ជាមួយនឹងការសម្ដែងការក្តុកក្តួល និងសោកស្ដាយ ដ្បិតនាយធុង ធ្លាក់ខ្លួនមិនទាំងបានប៉ុន្មានថ្ងៃផង ក៏ទទួលមរណភាពនាពេលនេះ ។
បើយោងតាមការអះអាងពីប្អូនស្រី នាយ ធុង បានឱ្យដឹងថា ដំបូងឡើយ នាយ ធុង មានអាការៈធីងធោងចង់ដួលនៅក្នុងបន្ទប់ទឹក ។ ដោយសារនាយមិនអាចចេញពីបន្ទប់ទឹកបានការអង្គុយនៅទីនោះ យ៉ាងយូរ ទើបក្រុមគ្រួសារដឹងក៏បានហៅគ្នីគ្នាដើម្បីមកជួយលើកនាយ ធុង ឱ្យបានចេញពីបន្ទប់ទឹក ។
ប្អូនស្រី នាយ ធុង បញ្ជាក់ថា ទម្រាំអាចយកនាយចេញពីបន្ទប់ទឹកបាននោះគឺត្រូវប្រើពេលប្រមាណជិត១០ម៉ោង ។ ក្រោយពីយកនាយ ធុង ចេញបានហើយនោះក្រុមគ្រួសារក៏បាននាំនាយ ធុង មកសង្គ្រោះនៅមន្ទីរពេទ្យ ដោយសារស្ថានភាពនាយហាក់មានអាការះហត់ខ្លាំង ព្រោះសួតធ្វើទុក្ខ ។
ប្អូនស្រី នាយ ធុង បន្ថែមថា ក្រោយការចូលព្យាបាលនៅមន្ទីរពេទ្យអស់ពេលប៉ុន្មានថ្ងៃមកនេះស្ថានភាពរបស់នាយបានវិលមកល្អបន្តិច តែត្រូវបន្តតាមដានពីក្រុមគ្រូពេទ្យដដែល ។
យ៉ាងណា ស្ថានភាពជំងឺរបស់ នាយ ធុង មិនអាចវិលត្រឡប់មករកភាពល្អប្រសើរដូចដើមឡើយ ដោយលោកបានទទួលមរណភាពនាពេលនេះ ។
គួរំលឹកថា នាយធុង ជាតារាកំប្លែងដែលមានទម្ងន់២៣០គីឡូ តែងផ្តល់ភាពសប្បាយរីករាយជូនទស្សនិកជនទស្សនាតាមការរយះការសម្តែងនៅតាមកម្មវិធីនានានៅស្ថានីយទូរទស្សន៍ និងនៅលើបណ្តាញសង្គម ។
តារាកំប្លែងរូបនេះធ្លាប់បានលើកឡើងប្រាប់កោះសន្តិភាពថា កន្លងមកលោកបានព្យាមយាមសម្រកទម្ងន់ពី២៣០គីឡូ មកនៅត្រឹម៨០ឬ៧០គីឡូ ដោយលោកបានបញ្ឈប់ការហូបបាយពេលយប់ និងផឹកគ្រឿងកំប៉ុងដែលមានជាតិផ្អែមខ្លាំង ។
យ៉ាងណា បើតាម នាយ ធុង សម្រាប់យុទ្ធនាការសម្រកគីឡូពី២៣០ មកនៅត្រឹម៧០គីឡូនោះទំនងជាពិបាក ដោយសារលោកមានទម្ងន់ធ្ងន់លើសខ្លាំង ហើយដើម្បីសម្រេចគោលដៅនេះ គឺត្រូវប្រើពេលវេលាយូរណាស់»។
នាយ ធុង បញ្ជាក់ថា «ទោះការសម្រកគីឡូមិនអាចសម្រេចដល់គោលដៅខាងលើនេះក៏ដោយ ប៉ុន្តែលោកក៏នៅតែព្យាយាមសម្រក ទោះបានតិចឬច្រើនក៏ដោយ ដោយយ៉ាងហោចណាស់ នាយអាចសម្រកបានពី១០ទៅ២០គីឡូ ឬលើសនឹងក៏នាយយកដែរ»។
ទោះជាយ៉ាងណា ពាក់ព័ន្ធជាមួយនឹងការសម្រកគីឡូអោយបានច្រើនតាមគោលដៅនោះ ត្រូវបាន នាយ ធុង លើកឡើងទៀតថា «វានឹងអាចប៉ះពាល់ដល់អាជីពសិល្បៈរបស់នាយផងដែរ ព្រោះបច្ចុប្បន្ននាយមានទីផ្សារការងារក៏ដោយសារតែមាឌធំខុសខ្នាតរបស់នាយនាពេលនេះដែរ»។
ដោយឡែកពាក់ព័ន្ធទៅនឹងរូបរាងធាត់ខុសពីធម្មតានាពេលនេះ នាយ ធុង បានគូសបញ្ជាក់ថា «នាយបានចាប់ផ្តើមធាត់ចាប់ពីនាយមានអាយុ១៣ឆ្នាំមកម្ល៉េះ ពោលគឺមិនមែនធាត់តាំងពីកំណើតនោះឡើយ»។
លោកបន្ថែមថា «តាមរយៈរូបរាងធាត់ខុសប្រក្រតីនាពេលនេះកន្លងមកនាយក៏ធ្លាប់អន់ចិត្តនឹងខ្លួនឯងដែរ ដោយសារ ហេតុអ្វីនាយកើតមកដូចគេឯង ប៉ុន្តែបែរជាមានមាឌធំខុសគេ? ហើយទៅណាមកណាគេមើលលើមើលក្រោម និងចូលចំណោមគេមិនចុះបែបនេះ?។
ទោះជាយ៉ាងណា នាយបានព្យាយាមលើកទឹកចិត្តខ្លួនឯងជារៀងរហូតមក ហើយ នាយក៏មានមោទកភាពផងដែរ ដោយសារ ទោះបីជាមានមាឌខុសគេ ប៉ុន្តែនាយត្រូវបានសង្គមទទួលស្គាល់ និងមានបងប្អូនទស្សនិកជនជាច្រើនគាំទ្ររូបរាង និងការសម្តែងរបស់នាយនាពេលកន្លងមក៕
ចែករំលែកព័តមាននេះ