ទីបំផុត ! ចៅក្រមសម្រេចហើយ ជនសង្ស័យ១៧នាក់ចំរាញ់ចេញពីជាង៣០០នាក់ចាប់នៅរ៉ុក
- ភ្នំពេញ
រាជធានីភ្នំពេញ ៖ ទីបំផុតលោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ នារសៀលម៉ោង៤ និង៣០នាទី ថ្ងៃទី០២ ខែមីនា…
រាជធានីភ្នំពេញ ៖ ទីបំផុតលោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ នារសៀលម៉ោង៤ និង៣០នាទី ថ្ងៃទី០២ ខែមីនា…
រាជធានីភ្នំពេញ ៖ ទីបំផុតលោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ នារសៀលម៉ោង៤ និង៣០នាទី ថ្ងៃទី០២ ខែមីនា ឆ្នាំ២០១៩ បានសម្រេចចេញដីកាឃុំខ្លួនជនសង្ស័យ១៧នាក់ដាក់ពន្ធនាគារព្រៃ.សជាបណ្តោះអាសន្នក្រោមការចោទពីបទ «ប្រើប្រាស់ សំរួល និងចាត់ចែង ដោយខុសច្បាប់នូវសារធាតុញៀន» ។
ជនសង្ស័យទាំង១៧នាក់ត្រូវបានចម្រាញ់ចេញពីជាង៣០០នាក់ដែលសមត្ថកិច្ចបង្ក្រាបនៅមជ្ឍមណ្ឌលកម្សាន្តរ៉ុក ពាក់ព័ន្ធគ្រឿងញៀនជាង២១គីឡូក្រាមនោះ មាន៖ ១-ឈ្មោះ សោម ស៊ីថង ភេទប្រុស អាយុ២១ឆ្នាំ ២-ឈ្មោះ សុខ សំណាង ភេទប្រុស អាយុ៣៩ឆ្នាំ។
៣-ឈ្មោះ ម៉េង សុផាន់ឋានៈ ភេទប្រុស អាយុ២១ឆ្នាំ ៤-ឈ្មោះ សន សិរីសម្បត្តិ ភេទប្រុស អាយុ២១ឆ្នាំ ៥-ឈ្មោះ សេង សុខឃាង ហៅ ធីប៊ី ភេទប្រុស អាយុ២២ឆ្នាំ ។
៦-ឈ្មោះ ញី ជីលាំង ភេទប្រុស អាយុ២២ឆ្នាំ ៧-ឈ្មោះ ឈុន ប៊ុនរ៉ានិ ភេទស្រី អាយុ២១ឆ្នាំ ៨-ឈ្មោះ នុយ វី ភេទប្រុស អាយុ២៦ឆ្នាំ ៩-ឈ្មោះ នឹម រតនៈ ភេទប្រុស អាយុ២១ឆ្នាំ ១០-ឈ្មោះ ឡេង សុបញ្ញា ភេទប្រុស អាយុ១៩ឆ្នាំ ១១-ឈ្មោះ ថុង សារិន ភេទប្រុស អាយុ៣០ឆ្នាំ ។
១២-ឈ្មោះ ឌួង សុផាត ភេទប្រុស អាយុ២១ឆ្នាំ ១៣-ឈ្មោះ ឡេង ដារ៉ា ភេទប្រុស អាយុ២១ឆ្នាំ ១៤-ឈ្មោះ ឈាន វាសនា ភេទប្រុស អាយុ២១ឆ្នាំ ១៥-ឈ្មោះ រ៉ា ភារម្យ ភេទប្រុស អាយុ២០ឆ្នាំ ១៦-ឈ្មោះ វ៉ា សុខហេង ភេទប្រុស អាយុ៤៧ឆ្នាំ និង១៧-ឈ្មោះ ចែត្រ ធូន ភេទប្រុស អាយុ៤៥ឆ្នាំ។
គួររំលឹកថា កម្លាំងសមត្ថកិច្ចរាជធានីភ្នំពេញបើកប្រតិបត្តិការបង្ក្រាបគ្រឿងញៀនលក្ខណៈទ្រង់ទ្រាយធំមួយនៅក្នុងមណ្ឌលកំសាន្ត Rock អស់រយៈពេលជាច្រើនម៉ោង ។ ប្រតិបត្តិការណ៍ដ៏ក្តៅគគុកនេះបានធ្វើការចាប់ឃាត់ខ្លួនមនុស្សរហូតទៅដល់៣១៥នាក់ ក្នុងនោះជនជាតិចិន១៤នាក់ និងដកហូតថ្នាំញៀនជាង៣៩គីឡូក្រាម អាវុធខ្លី១ដើម រួមទាំងវត្ថុតាងមួយចំនួនទៀត កាលពីយប់ថ្ងៃទី២២ ខែកុម្ភៈ ឆ្នាំ២០១៩ នៅមណ្ឌលកំសាន្ត Rock ដែលមានទីតាំងផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន ។
សមត្ថកិច្ចមូលដ្ឋានប្រាប់ឱ្យដឹងថា កាលពីម៉ោងប្រមាណ១១យប់នោះក្រោមការដឹកនាំបញ្ជាដោយផ្ទាល់អំពីសំណាក់លោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ ចុះបង្ក្រាបគ្រឿងញៀននៅក្នុងមណ្ឌលកំសាន្ត Rock ដោយធ្វើការឃាត់ខ្លួនមនុស្សប្រុស-ស្រីសរុប៣១៥នាក់ រួមទាំងថ្នាំញៀនមួយចំនួនធំទៀតផងដែរ ។
ក្រោយពីប្រតិបត្តិការបង្ក្រាបគ្រឿងញៀនដ៏ធំនេះមនុស្សប្រុសស្រីទាំង៣១៥នាក់ រួមទាំងថ្នាំញៀនដកហូតបាន ក៏នាំទៅកាន់ស្នងការនគរបាលរាជធានីភ្នំពេញដើម្បីចាត់ការទៅតាមផ្លូវច្បាប់ ចំណែកឯមណ្ឌលកំសាន្ត Rock ត្រូវអាជ្ញាធររាជធានីភ្នំពេញធ្វើការបិទអាជីវកម្មជាស្ថាពរផងដែរ៕
ចែករំលែកព័តមាននេះ