រាជធានីភ្នំពេញ ៖ ក្រោយសមត្ថកិច្ចខណ្ឌដូនពេញ សហការជាមួយនិងកម្លាំងជំនាញ បានធ្វើកោសល្យវិច័យលើសាកសពបុរសជាអតីតសន្តិសុខមន្ទីរពេទ្យរួចមក គឺសន្និដ្ឋានថា ជនរងគ្រោះពិតជាស្លាប់ដោយសារតែការចង.កសម្លាប់ខ្លួនពិតប្រាកដមែន ហើយសម្រេចប្រគល់សពទៅឱ្យក្រុមគ្រួសារធ្វើបុណ្យនៅស្រុកកំណើត។
គួររំលឹកថា ជនរងគ្រោះ ក្រោយពីត្រូវរដ្ឋបាលបញ្ឈប់ការងាររយៈ៣ថ្ងៃមក ស្រាប់តែប្រទះឃើញគាត់ចង.កសម្លាប់ខ្លួននៅលើឡាំប្រឺតាឥណ្ឌា ស្ថិតនៅជាប់អគារបេះដូង ដែលបានបង្កការភ្ញាក់់ផ្អើលកាលពីវេលាម៉ោង៦ព្រឹកថ្ងៃទី០១ មីនា នៅលើឡាំប្រឺតាឥណ្ឌាមួយគ្រឿងដែលចតនៅលើចិញ្ចើមផ្លូវជាប់គារបេះដូង ផ្លូវលេខ ៨០ ក្នុងសង្កាត់ច្រះចក ខណ្ឌដូនពេញ ។
តាមប្រភពពីនគរបាលថា បុរសរងគ្រោះឈ្មោះ យឹម សុខា អាយុ៣៨ឆ្នាំ ជាអ្នករត់ឡាំប្រឺតា ស្នាក់នៅផ្ទះជួលក្បែរកន្លែងកើតហេតុក្នុងសង្កាត់ស្រះចក ខណ្ឌដូនពេញ និងមានស្រុកកំណើតនៅខេត្តព្រៃវែង មានប្រពន្ធ និងកូនប្រុស ស្រីចំនួន៤នាក់ក្នុងបន្ទុក ។ មុនពេលកើតហេតុ ក្រុមសន្តិសុខដែលធ្លាប់យាមជាមួយគ្នាបានឃើញឡាំប្រឺតាឥណ្ឌា ព៌ណក្រហមលាយលឿង ពាក់ស្លាកលេខភ្នំពេញ១GS-៥៦៧៩ មួយគ្រឿង ចតនៅលើចិញ្ចើមផ្លូវក្បែរអគារពេទ្យ ផ្នែកបេះដូងខាងលើ និងបានឃើញបុរសជាជនរងគ្រោះអង្គុយនៅខាងក្នុងផងដែរ ។
តាមប្រភពដដែលបន្តទៀតថា ដោយនឹកស្មានតែរូបគាត់អង្គុយ រង់ចាំដឹកម៉ូយជាធម្មតានោះ ក៏មានសន្តិសុខម្នាក់ ដើរទៅមើលក៏ស្រាប់តែបានឃើញរូបគាត់ចងក.ស្លាប់បាត់ទៅហើយ ទើបបង្ករឱ្យមានការភ្ញាក់ផ្អើលតែម្តង ។
ចែករំលែកព័តមាននេះ